گه‌ڕان

Shadow Shadow
سیاسه‌تی

زانیاری زیاتر

بایدن: بەوشێوەیە ناتوانین لە ئۆقرەییدا بژین

2021.03.11 - 19:29
App store icon Play store icon Play store icon
بایدن: بەوشێوەیە ناتوانین لە ئۆقرەییدا بژین

ناس کورد- 

سەرۆکى ئەمەریکا ڕایگەیاند، دواى پێدانى ڤاکسینى دژە کۆرۆنا بەهەموو ئەمەریکییەکان لەو ڤاکسینە زیادەیان هەیە و دابەشى جیهانى دەکەن، چونکە ناتوانن لە ئۆقرەییدا بژین ئەگەر هەموو جیهان بە سەلامەتی نەژی.

کەناڵی ناس کورد لە تێلیگرام جۆین بکە   

 

 

لەهەواڵێکى میدیا ئەمەریکییەکاندا کە "ناس کورد" بەدواداچوونى بۆ کردووە ( 11ى ئادارى 2021) لەمیانەى کۆبونەوەیەکیدا لەگەڵ کۆمپانیاکانى میرک و جۆنسۆن ئاند جۆنسۆن، جۆ بایدنى سەرۆکى ئەمەریکا ڕایگەیاندووە، هەوڵى بەدەستهێنانى ڤاکسینى دژە کۆرۆنا دەدەن بۆ هەموو خەڵکى تا کۆتایى مانگى ئایارى داهاتوو.

 

ئاماژەى بۆ ئەوەش کردووە، گەر ڤاکسینەکە تا ئەو کاتە ئامادە بکرێت ئەوا چەند مانگێک پێشبینیەکان پێشدەکەون و لەئێستاشدا وەزارەتەکانى تەندروستى و خزمەتگوزارى کۆمەڵایەتى ڕاسپێراون بۆ کڕینى 100 ملیۆن بەشى تر لەڤاکسینەکە.

 

بایدن باسى لەوەش کردووە، پێویستە دەسەڵاتدارانى ئەمەریکاش نەرمى بنوێنن لەگەڵ دۆخى ئێستادا، چونکە هەوڵى زیاترى پێویستە و هەروەها دەبێت لەئامادەباشیدابن بۆ گۆڕینى بارودۆخەکان.

 

سەرۆکى ئەمەریکا جەختى لەسەر ئەوەش کردووەتەوە، ڤاکسینى زیادەشیان هەیە و ئەوانەش بەسەر وڵاتانى جیهاندا دابەش دەکەن، چونکە ئەوانیش ناتوانن بەئۆقرەییەوە بژین گەر بێتوو تەواوى جیهان لەسەلامەتیدا نەژین و سەرەتا هاریکارییەکان دەگاتە ئەمەریکییەکان و دواتریش هەوڵى یارمەتیدانى هەموو جیهان دەدەن.

 

بەپێى زانیارییەکانى زانکۆى جۆنز هۆپکنزى ئەمەریکى، تا ئیستا 31 ملیۆن هاووڵاتى ئەمەریکى دوو جار بەڤاکسینى دژە کۆرۆنا کوتراون.