گه‌ڕان

Shadow Shadow
سیاسه‌تی

وردەکاری و زانیاری

خانەنشینى سۆران عومەر پەرلەمان و حکومەت بەیەکدا دەدات

2021.03.10 - 15:39
App store icon Play store icon Play store icon
خانەنشینى سۆران عومەر پەرلەمان و حکومەت بەیەکدا دەدات

ناس کورد-
پرسى خانەنشین بوونى سۆران عومەر پەرلەمانتارى پێشووى هەرێم لە نێوان پەرلەمان و حکومەت بە هەڵواسراوى ماوەتەوە، پەرلەمان بەیاسایى دەزانێت و دەزگاکەش ڕەتی دەکاتەوە.

کەناڵی ناس کورد لە تێلیگرام جۆین بکە   

 

سۆران عومەر ساڵى رابردوو دەستى لە ئەندامێتى پەرلەمان کێشایەوە دواى هەڵگرتنى پارێزبەندى لەسەرى، بەڵام هێشتا خانەنشین نەکراوە، لەکاتێکدا ساڵى 2018 و دواى کۆتایهاتنى خولى چوارەم، وەکو پەرلەمانتارێکى ئەو خولە خانەنشین کرا.

 

بەپێى ئەو زانیارییانەى کە "ناس کورد لە سەرچاوەیەکى ئاگادارى پەرلەمانى کوردستانەوە دەستى کەوتووە (10ى ئادارى 2021)، دواى پەسەندکردنى دەستلەکارکێشانەوەى، دیوانى پەرلەمان داواى خانەنشینى سۆران عومەرى ئاڕاستەى بەڕێوەبەرایەتى گشتى خانەنشینى کردووە.

 

ئاماژەى بەوەشکرد، وەڵامى دەزگاکە بۆ پەرلەمان ئەوە بووە کە سۆران عومەر بەهۆى خزمەت و تەمەنەوە شایستەى خانەنشینى نییە، چونکە یاساى خانەنشینى 45 ساڵ تەمەن و 15 ساڵ خزمەتى کردووەتە مەرج بۆ بڕینەوەى موچەى خانەنشینى.

 

سۆران عومەر تەمەنى (42) ساڵە و شەش ساڵ خزمەتى پەرلەمانتارى هەیە.

 

بەوتەى سەرچاوەکە، دواتر سەرۆکایەتى پەرلەمان وەڵامى بۆ بەڕێوەبەرایەتى گشتى خانەنشینى داوەتەوە و تێیدا جەخت لەسەر ئەوە کراوەتەوە بەپێى یاساى چاکسازى کە ڕەچاوى تەمەن و خزمەتى تێدا کراوە سۆران عومەر خانەنشینى دەیگرێتەوە بەڕێژەى 25% لەکۆى موچەکەى.

 

تا ئێستا ئەو پرسە بە هەڵواسراوى ماوەتەوە و دیار نییە کە سۆران عومەر خانەنشین دەکرێت یاخود نا.

 

ناس کورد چەند جارێک پەیوەندى بە سۆران عومەرەوە کرد، بەڵام وەڵامى پەیوەندییەکانى نەدایەوە.