گه‌ڕان

Shadow Shadow
سیاسه‌تی

حکومەتی هەرێم پڕۆژەی پێدانی مۆڵەتی خوێندنی پەسەند کرد

2021.03.10 - 14:27
App store icon Play store icon Play store icon
حکومەتی هەرێم پڕۆژەی پێدانی مۆڵەتی خوێندنی پەسەند کرد

ناس کورد-

ئەنجومەنی وەزیرانی هەرێم پڕۆژەی پێدانی مۆڵەتی خوێندن لە هەرێمی کوردستان پەسەند کرد.

کەناڵی ناس کورد لە تێلیگرام جۆین بکە   

 

ئەمڕۆ چوارشەممە، 10ی ئازاری 2021، ئەنجومەنی وەزیرانی هەرێمی کوردستان بە سەرپەرشتی مەسرور بارزانی، سەرۆک وەزیرانی هەرێمی کوردستان کۆبووەوە.

 

بەپێی ڕاگەیەنراوی کۆبوونەوەکە، ئارام محەمەد قادر، وەزیری خوێندنی باڵا و توێژینەوەی زانستی دوا ڕەشنووسی پڕۆژەی پێدانی مۆڵەتی خوێندنی لە هەرێمی کوردستان خستەڕوو. "دوای گفتوگۆ و ڕاگۆڕینەوە و پێشنیارکردنی چەند تێبینی و هەموارکردنێک، پڕۆژەکە پەسەند کرا."

 

دەشڵێت، سەرۆکی ئەنجومەنی وەزیران، پیرۆزبایی لە کوردستانییان کرد بە بۆنەی ڕۆژی جلی نەتەوەیی کە چەند ساڵێکە هاونیشتمانییانی هەرێمی کوردستان، لە ڕۆژی 10ی ئادار، بە ڕێورەسمی جیاواز، ڕێز لە جلی نەتەوەیی خۆیان دەگرن.


ڕاگەیەنراوەکە باسی لەوەشکردووە کە "سەرۆک وەزیران ئاماژەی بە سەردانی قەداسەتی پاپا کرد و بە سەردانێکی گرنگ و مێژوویی ناوبرد و وتی، ئەم سەردانە دووپاتیکردەوە کە هەرێمی کوردستان، مەڵبەندێکی گرنگیی بەیەکەوەژیانی ئاشتییانەیە لە ناوچەکەدا."

 

"دەستخۆشیشی لە ڕێکخەران و دەزگا پەیوندیدارەکانی حکومەتی هەرێمی کوردستان و بە تایبەتی هێزە ئەمنییەکان کرد، بۆ سەرخستنی سەردانەکە کە سەرکەوتووانە لە کەشێکی ئارامدا بەڕێوەچوو."


پاشان هەر یەک لە پشتیوان سادق، وەزیری ئەوقاف و کاروباری ئایینی و سەفین دزەیی، سەرۆکی فەرمانگەی پەیوەندییەکانی دەرەوە "ڕاپۆرتێکیان دەربارەی سەردانی قەداسەتی پاپا و گرنگیی سەردانەکە و دەرئەنجامەکانی بۆ هەرێمی کوردستان خستەڕوو.