گه‌ڕان

Shadow Shadow
سیاسه‌تی

زانیاری تایبەت

غالب محەمەد یەکەم هەنگاو بۆ گواستنەوەى کەیسەکەى بۆ بەغدا دەنێت

2021.03.10 - 13:54
App store icon Play store icon Play store icon
غالب محەمەد یەکەم هەنگاو بۆ گواستنەوەى کەیسەکەى بۆ بەغدا دەنێت

ناس کورد-

غالب محەمەد، ئەندامى پەرلەمانى عێراق ئەمڕۆ دەگەڕێتەوە بەغدا، بە وتەى سەرچاوەیەکیش داوایەک پێشکەشى پەرلەمان دەکات تا کەیسى پەلاماردانى لە سلێمانییەوە بۆ بەغدا بگوازرێتەوە.

کەناڵی ناس کورد لە تێلیگرام جۆین بکە   

 

سەرچاوەکە کە داوایکرد ناوى نەهێنرێت ئەمڕۆ چوارشەممە (10ئادارى 2021) بە "ناس کورد "ى ڕاگەیاند، ئەمڕۆ ناوبراو دەگەڕێتەوە بۆ شارى بەغدا و دەستکردنەوە بە چالاکییەکانى وەکو پەرلەمانتارى عێراق.

 

وتیشى غالب محەمەد لە گەڕانەوەیدا بۆ بەغدا داوکارییەک پێشکەشى سەرۆکایەتى پەرلەمان دەکات بۆ گواستنەوەى کەیسەکەى لە هەرێمەوە بۆ بەغدا بەمەبەستى گرتنەبەرى ڕێوشوێنى یاسایى و  ڕادەستکردنەوەى ئەو تۆمەتبارە و ئاشکراکردنى پلانى پشتەوەى پەلاماردانەکە.

 

سەرچاوەکە ئەوەشى ئاشکرا کردووە، غالب محمەد سەردانى دەزگایەکى پەیوەندیدارى باڵاى دادوەرى دەکات بەمەبەستى تاوێکردنى پرسى پەلاماردانەکەى و چۆنیەتى کارکردنى یاسا و دادگا لەسەر ئەو کەیسە لەهەرێمەوە بۆ بەغدا.

 

بەوتەى سەرچاوەکە، غالب محەمەد "بێ ئومێدە" لە رێڕەوى لێکۆڵینەوەکان لەبارەى کەیسى پەلاماردانییەوە.

 

زیاتر بخوێنەوە: ڤیدیۆ؛ غالب محەمەد وەڵامى ڕەخنەکان لەسەر پاسەوانەکانى دەداتەوە

 

غالب محەمەد، پەرلەمانتارى هاوپەیمانى هیوا ( 26ى شوباتى 2021) لەبەردەم ماڵەکەى خۆى لە سلێمانى بە چەقۆ هێرشیکرایە سەر، بەڵام تا ئێستا هێزە ئەمنییەکان هێرشبەرەکەیان دەستگینەکردووە لەکاتێکدا لەرێگاى کامێراى چاودێرییەوە ناسراوەتەوە.

 

سێ ئازارى 2021 ژمارەیەک پەرلەمانتاری فراکسیۆنە عیراقییەکان بە هاوئاهەنگیی و پشتیوانیی هاوپەیمانیی هیوای کوردستانی داوایان لە سەرۆکی پەرلەمان کرد کە لێکۆڵینەوە لەکەیسی هەوڵی تیرۆرکردنی هاوڕێمان (د.غالب محەمەد) بگوازرێتەوە بەغدا.

ئەحمەدی حاجی ڕەشید، ئەندامی هاوپەمانیی هیوا لە پەرلەمانی عێراق (پێنجشەممە 4ی ئاداری 2021) رایگەیاند، محەمەد حەلبوسی، سەرۆکی پەرلەمان داوایکردووە کە پەرلەمانتار، د.غالب بەرەسمی ئەو داوایەی ئاراستە بکات بۆ گرتنەبەری رێوشوێنی جێبەجێکردنی داواکە.

 

لەدوای هێرشکردنەسەر غالب محەمەد، هەواڵی دەستگیرکردنی سێ کەس لەسەر کەیسەکە بڵاوبووەوە و دواتریش هەواڵی ئازادکردنیان بڵاوبووەوە، بەڵام هیچ یەک لە پۆلیس و ئاسایشی سلێمانی تاوەکو ئێستا نە لەسەر دەستگیرکردن و نە لەسەر ئازادکردنی ئەو سێ کەس هیچ ڕوونکردنەوەیەکیان نەداوە.