گه‌ڕان

Shadow Shadow
سیاسه‌تی

عێراقییەکانی داوەتە دەستی خودا

نیویۆرك تایمز ڕەخنە لەمامەڵەیەكی پاپا دەگرێت لە عێراق

2021.03.10 - 12:11
App store icon Play store icon Play store icon
نیویۆرك تایمز ڕەخنە لەمامەڵەیەكی پاپا دەگرێت لە عێراق

ناس کورد-

ڕۆژنامەی نیویۆرك تایمز ئەوە دەخاتەڕوو كە پاپا تەندروستی ئەو عێراقیانەی داوەتە دەست خوا كە قەرەباڵغییان كرد بۆ دیتنی، كەچی ڕێوشوێنەكانی خۆپارێزی و قەدەغەی گەشتیاریی لە وڵاتەكەی خۆی وەك خۆی هێشتووەتەوە.

کەناڵی ناس کورد لە تێلیگرام جۆین بکە   

 

ڕۆژنامە ئەمەریكییەكە لە میانەی راپۆرتێكدا لەبارەی گەشتەكەی پاپا بۆ عێراق كە "ناس كورد" بەدواداچوونی بۆ كردووە (10 ئازاری 2021) ئاماژە بەوە دەكات پاپا فرەنسیس لەبارەی چارەنوسی ئەوانەی قەرەباڵغییان كردووە بۆ دیتنی لەعێراق دەڵێت، "لەبەردەستی خوادان"، بەڵام ناوبراو لە وڵاتی خۆی كە ڤاتیكانە "زیاتر دنیایی بوو" كاتێك پێشنیازی كرد پابەندیی بەردەوام بێت بەرێكارە تەندروستییەكانی ئیتاڵیا كە قەدەغەكردنی گەشتكردن بۆ ڤاتیكانیش لەخۆ دەگرێت و تەنها ئەوەی وت "بەهیوام لەنزیكترین دەرفەتدا جەماوەر ببینم"

 

هەروەها وتی، "منیش پەیڕەوی لە ڕێككارەكان دەكەم".

 

لەبارەی گەشتەكەشییەوە بۆ عێراق پاش چەندین مانگ لە كەرەنتین وتی "گەشتێك بوو وەك گەڕانەوە بۆ ژیان".