گه‌ڕان

Shadow Shadow
سیاسه‌تی

سەرکردەیەکى یەکێتى لەبارەى ’’زمانى سەوزە فرۆش’’ وەڵامى بەرپرسێکى پارتى دەداتەوە

2021.03.07 - 20:57
App store icon Play store icon Play store icon
سەرکردەیەکى یەکێتى لەبارەى ’’زمانى سەوزە فرۆش’’ وەڵامى بەرپرسێکى پارتى دەداتەوە

ناس کورد-

 

ئەندامێکى سەرکردایەتى یەکێتى رایگەیاند، حزبەکەى و هاوسەرۆکەکانى هەمیشە لەناو خەڵک و کاسبکاراندا بوونە و زمانى سەوزە فرۆشانیان لەلا نامۆ نییە، ئەوەش لە وەڵامى بەرپرسێکى پارتیدا کە قسەکانى هاوسەرۆکى یەکێتى بە "زمانى سەوزە فرۆش" ناوبردبوو.

 

کەناڵی ناس کورد لە تێلیگرام جۆین بکە   

 

لەتیف نێروەیی ئەمڕۆ یەکشەممە لە لێدوانێکیدا بۆ تەلەفزیۆنى فەرمى حزبەکەى کە "ناس کورد" بینیویەتى رایگەیاند "ئێمە وەڵامى پەیامى نابەرپرسانە نادەینەوە، بەڵام دەیهێنێت لەسەر دەستەواژەى زمانى سەوزە فرۆشەکان قسەبکەین، چونکە ئەو زمانە نامۆ نییە بە یەکێتى و هاوسەرۆکەکانى، ئەوان ئاوێتەبووى یەکترن".

 

وتیشى "هەمیشە سەرکردەکانى یەکێتى لەناو کاسبکار و سەوزە فرۆشاندا بوون و لەپێناو ئەواندا خەبات دەکەن، زمانى ئەوان نامۆ نییە".

 

قسەکانى لەتیف نێروەیی دواى ئەوەهات کە ئارى هەسین ئەندامى ئەنجومەنى سەرکردایەتى پارتى هێرشیکردە سەر هاوسەرۆکى یەکێتى و قسەکانى بەهاوشێوەى "زمانى سەوزە فرۆش" وەسفکردبوو.