گه‌ڕان

Shadow Shadow
سیاسه‌تی

وردەکاریى

ئەمەریکا کات و ساتى وەڵامدانەوەى هێرشە موشەکییەکەى عەینولئەسەدى دیارى کرد 

2021.03.07 - 20:22
App store icon Play store icon Play store icon
ئەمەریکا کات و ساتى وەڵامدانەوەى هێرشە موشەکییەکەى عەینولئەسەدى دیارى کرد 

ناس کورد- 

وەزیرى بەرگرى ئەمەریکا ڕایگەیاند، وەڵامى هێرشە موشەکیەکەى ئەمدواییەى بنکەى ئاسمانى عەینولئەسەد دەدەنەوە، بەڵام لەکات و شوێنى گونجاودا.

 

کەناڵی ناس کورد لە تێلیگرام جۆین بکە   

 

لوید ئۆستن، وەزیرى بەرگرى ئەمەریکا (یەکشەممە، 7ى ئازارى 2021) لە گفتوگۆیەکى تەلەفزیۆنیدا لەگەڵ تۆڕى ABCى ئەمەریکى ئاماژەى بەوەداوە، واشنتۆن بەردەوامە لە هەڵسەنگاندنەکانى بە ئامانجى دیاریکردنى ئەو لایەنەى بەرپرسە لە هێرشە موشەکیەکەى سەر بنکەى ئاسمانى عەینولئەسەد کە بووە هۆى گیانلەدەستدانى بەڵێندەرێک.

 

ڕونیشیکردەوە، دەمانەوێت جەختلەوە بکەینەوە کە دەزانین کێ بەرپرسە، پەیاممان بۆ ئەوانەى کە هێرشى لەو جۆرە ئەنجام دەدەن ئەوەیە کە ئەوەى پێویست بێت دەیکەین بۆ بەرگریکردن لە خۆمان، گورز دەوەشێنین، ئەگەر بڕیاریماندا پێویستە ئەوە بکەین، بەڵام لەکات و شوێنێکدا کە خۆمان دیارى دەکەین.

 

وەزیرى بەرگرى ئەمەریکا رونیکردەوە، ولایەتە یەکگرتوەکانى ئەمەریکا لایەنى عێراقى هاندەدات کە لێکۆڵینەوەکانى لە هێرشەکە خێراتر بکات و بەغدا وەڵامى ئەو داواکارییانە بداتەوە و بەڵێنى شوێنکەوتنى بەرپرسانى ئەو دەستدرێژیە بدات.

 

سەبارەت بەوەى کە ئایا وەڵامەکان نامەیەکى ئاشکرا دەبێت بۆ ئێران، ئۆستن باسى لەوەکرد، بڕوامان وایە کە تاران تواناى ئەوەى هەیە هەڵسەنگاندن بۆ چالاکیەکانى ئەمەریکا بکات لە وەڵامى ئەو گەشەسەندنانەى ڕودەدەن، پێویستە ئێرانیەکان ئەو هەنگاوانە بزانن کە ئەمەریکا دەینێت بۆ بەرگریکردن لە هێزەکانى کە دیراسەکراو و گونجاو دەبێت، هیواخوازین کارە دروستەکە بکەن.