گه‌ڕان

Shadow Shadow
سیاسه‌تی

پێنج گروپی چەکداری

ڕاپۆرتێك: لە دەشتی نەینەوا ململانێ لەنێوان مەسیحی و پێكهاتەی شەبەكە

2021.03.07 - 15:57
App store icon Play store icon Play store icon
ڕاپۆرتێك: لە دەشتی نەینەوا ململانێ لەنێوان مەسیحی و پێكهاتەی شەبەكە

ناس کورد-

سەرلەبەیانی ئەمڕۆ پاپا فرەنسیس بەسەردانێكی مێژویی گەیشتە شاری موسڵ و دەشتی نەینەوا و لە كڵێسای قەرەقۆش وتارێكی پێشكەش كرد، لە كاتێكدا لەم پانتاییە جوگرافییە كێشەو ململانێی زۆر لەنێوان پێكهاتەكان و باڵە چەكدارەكان هەیە.

 

کەناڵی ناس کورد لە تێلیگرام جۆین بکە   

 

بشارە وەردە كە مەترانێكی كاسۆلیكییە ئەوەی بەژمارەی ئەمڕۆی رۆژنامەی شەرقولئەوسەتی چاپی لەندەن راگەیاندووە (7 ئازاری 2021) كە بڵاوبوونەوەی پێنج باڵی چەكدار لە دەشتی نەینەوا هۆكارێكە بۆ تێكچوونی ئارامی و دڵەخورتێی خەڵكانی كریستیان چونكە لە حاڵەتی بەریەككەوتنیاندا نائارامی و ترس و تۆقی زۆر دروست دەبێت.


مەتران وەردە كە پیاوێكی مەسیحی ناسراوە پێكهاتەی شەبەك تۆمەتبار دەكات بەوەی پەناگەی ئەم باڵە چەكدارانەیە و لەهەوڵی پەلكێشانی بەردەوامدایە لەسەر حسابی مەسیحییەكان بەڕێگای نایاسایی و دەڵێت، " پرۆسەیەكی گۆڕینی دیمۆگرافی بەرنامەرێژكراو دەرهەق بە مەسیحییەكان بەرێوە دەچێت لە كڕینی زەوی و خانووەكانیان تا ناچاركردنیان بە كۆچكردن".


هەندێ چالاكیتری مەسیحی لە ناوچەكە ئەوەیان بە ڕۆژنامە لەندەنییەكە ڕاگەیاندووە باڵە چەكدارەكان ئامانجیان ئەوەیە ئەو هیلالە تەواو بكەن كە ئێران بەسوریا دەگەیەنێت و ئەمەش بەدەشتی نەینەوادا گوزەر دەكات و دەڵێن " ئەگە پاپا فریا نەكەوێت بۆ ڕاگرتنی ئەو گۆڕانە دیمۆگرافیەی ئەوە پێكهاتەی مەسیحی لەبەردەم مەترسی بوون و نەبووندایە".


بازرگانەكانی دەشتی نەینەوا لەوانەش خالید یوشەع سكاڵای ئەوەی كردووە لە ڕاپۆرتەكەی شەرقولئەوسەت، كە لە خاڵەكانی پشكنین لەلایەن گروپە چەكدارەكانەوە هەراسان دەكرێن و پارە و سەرانە لەو بارهەڵگرانی وەردەگیرێت كە شمەك دەگوازنەوە بۆ دەشتی نەینەوا.


لەوەڵامی ئەم تۆمەتانەش پەرلەمانتار قوسەی شەبەكی ئەوەی رەتكردووەتەوە هیچ گۆڕینێكی دیمۆگرافی لەناوچەكە هەبێت و دەڵێت "دەشتی نەینەوا نیشتمانی بنەڕەتیی شەبەكەكانە و جێگەیتریان نییە جگە لەم نیشتمانە لە سەرانسەری عێراقدا". هەروەها جەخت لەوە دەكاتەوە ئەو هێزانەی حەشد كە لەوێن ئەركیان پاراستنی ئاسایشە بۆ سەرجەم هاوڵاتیان بەبێ جیاوازی و لەناو ڕیزەكانی حەشدیشدا هێزی مەسیحی هەن وەك بابلیۆونی ڕەیان كلدانی.