گه‌ڕان

Shadow Shadow
سیاسه‌تی

زانیاری زیاتر

پاپا فرانسیس بە زمانى عەرەبى تویتێکی بڵاوکردەوە

2021.03.06 - 22:34
App store icon Play store icon Play store icon
پاپا فرانسیس بە زمانى عەرەبى تویتێکی بڵاوکردەوە

ناس کورد- 

پاپا فرانسیس، پاپاى ڤاتیکان کە ئێستا بە سەردانێک لە عێراقە تویتێکى بە زمانى عەرەبى کرد و تێیدا نوسیویەتى، "ئاشتى براوە و دۆڕاوى تێدا نییە و با نوێژ بکەین و داواى ئاشتى بۆ سەرجەم ڕۆژهەڵاتى ناوەڕاست بکەین."

کەناڵی ناس کورد لە تێلیگرام جۆین بکە   

 

پاپا (شەممە 6ى شوباتى 2021) لە تویتێکدا لە هەژماری عەرەبى خۆى بە زمانى عەرەبى نوسیویەتى، "ئاشتى براوە و دۆڕاوەى تێدا نییە، بەڵکو برا و خوشک، لە کێشمەکێشەوە بەرەو یەکگرتوویى دەچن، ئەوەش سەرەڕاى خراپى لێکتێگەیشتنەکان و برینەکانى ڕابردوو."

 

پاپا لە بەشێکى ترى تویتەکەیدا ئاماژەى بەوەداوە، با نوێژ بکەین و داواى ئەم ئاشتییە بۆ سەرجەم ڕۆژهەڵاتى ناوەڕاست بکەین، بەتایبەتى بیر لە سوریاى هاوسێ و ئازاردراو دەکەمەوە.

 

لەئێستادا پاپا فرانسیس بە سەردانێکى 4 ڕۆژە لە عێراقە و دواى بینینى سەرۆک کۆمار و سەرۆک وەزیران و بەرپرسانى عێراق چووە نەجەف و چاوى بە عەلى سیستانى ڕێبەرى باڵاى ئایینى شیعە کەوت، دواتر گەیشتە پارێزگاى ناسریە و لە شارى ئورى مێژوویى لەگەڵ نوێنەرى ئایینەکان کۆبویەوە و بڕیاریشە بێتە هەرێمى کوردستان و دواتریش سەردانى موسڵ بکات.