گه‌ڕان

Shadow Shadow
سیاسه‌تی

زانیاری زیاتر

سلێمانی: مێردمنداڵێکی تەمەن 15ساڵ کوژرا

2021.03.06 - 21:41
App store icon Play store icon Play store icon
سلێمانی: مێردمنداڵێکی تەمەن 15ساڵ کوژرا

ناس کورد- هەڤاڵ فەتاح

وتەبێژی پۆلیسی سلێمانی ڕایگەیاند، لە ئاکامی شەڕی نێوان دوو مێردمنداڵ لە گەڕەکی ئازادیی شاری سلێمانی مێردمنداڵێکیان گیانی لەدەستداوە، ئاماژە بەوەشکرد، بکوژەکە تائێستا دەستگیرنەکراوە و پۆلیسی بەدوایدا دەگەڕێ.

کەناڵی ناس کورد لە تێلیگرام جۆین بکە   

 

سەرکەوت ئەحمەد، وتەبێژی پۆلیسی سلێمانی ( 6ی ئازاری 2021) لە لێدوانێکی تایبەتدا بۆ"ناس کورد" ڕایگەیاند،"ئێوارەی ئەمڕۆ لە گەڕەکی ئازادی شاری سلێمانی دوو مێردمنداڵ بەشەڕهاتوون و یەکێک مێردمنداڵەکان بەردێکی کێشاوە بەسەری ئەوەی تریاندا و بەهۆیەوە گیانی لەدەستداوە".

 

ئاماژەی بەوەشکرد، "ئەو مێردمنداڵەی کە هاوڕێکەی کوشتووە تەمەنی 13ساڵە و ئەوەشی گیانلەدەستداوە تەمەنی 15 ساڵە، ڕووداوەکەش ئێوارەی ئەمڕۆ ڕوویداوە".

 

سەرکەوت ئەحمەد ئەوەشی خستەڕوو، "بکوژەکە تائێستا دەستگیرنەکراوە و پۆلیس هەڵمەتێکی گران و پشکنینی دەست پێ کردووە بۆ دەستگیرکردنی  و پەڕاوی لێکۆڵینەوەی بۆ رووداوەکە کردووەتەوە."