گه‌ڕان

Shadow Shadow
سیاسه‌تی

هەڕەشەیەک لە ئەمەریکاوە

پنتاگۆن: وەڵامی هێرشەکەی سەر بنکەی ئاسمانیی عەین ئەسەد دەدەینەوە

2021.03.06 - 21:06
App store icon Play store icon Play store icon
پنتاگۆن: وەڵامی هێرشەکەی سەر بنکەی ئاسمانیی عەین ئەسەد دەدەینەوە

ناس كورد-

وتەبێژی وەزارەتی بەرگریی ئەمەریکا رایگەیاند، وڵاتەکەی لە کات و شوێنی پێویستدا وەڵامی هێرشەکانی سەر بنکەی ئاسمانیی عەین ئەسەد لەعێراق دەداتەوە.

کەناڵی ناس کورد لە تێلیگرام جۆین بکە   

 

بەگوێرەی هەواڵێکی ماڵپەڕی "حوڕە"ی ئەمەریکی ( 6ی ئازاری 2021) کە "ناس کورد" بەدواداچوونی بۆ کردووە، جۆن کیربی، وتەبێژی وەزارەتەکە ڕایگەیاندووە، " ئەگەر پێویست بکات ئەمەریکا وەڵامی هێرشەکەی سەر بنکەی ئاسمانیی عەین ئەسەد دەداتەوە لە کات و شوێنی خۆیدا". 

 

کیربی، ئەوەشی وتووە، "ئەمەریکا خواستی ئەوە نییە لە ئێستادا دۆخەکە لەگەڵ ئێراندا زیاتر ئاڵۆزبکات، بەڵام ئەوەی گرنگە بەلایەوە پاراستنی هێزەکانییەتی لە عێراق و برەودان بە ئەرکەکانی لە وڵاتە" .

 

وتەبێژەکە پنتاگۆن، ئەوەشی خستەڕوو، "دەسەڵاتدارانی عێراق بەردەوامن لە لێکۆڵینەوە لەو هێرشانە و پنتاگۆن دەزانێت کێ لەپشتی ئەو هێرشانەوە بووە، بەڵام ئەو زانیاریانە نادرکێنیت و بەنهێنی دەمێنێتەوە تا ئەوکاتەی لێکۆڵینەوەکان تەواودەبن".

 

کێبری ئاماژەی بەوەشکردووە، "ئەو گورزەی کە هەفتەی رابردوو ئەمەریکا لەسوریا وەشاندی دژ بە گروپە چەکدارەکانی سەربە ئێران تەواو یاسایی بوون".

 

هەفتەی ڕابردوو، گروپێکی چەکدار 10 موشەکیان ئاراستەی بنکەی ئاسمانی عەین ئەسەد کرد لە پارێزگای ئەنبار لە خۆرئاوای عێراق و لە ئاکامدا بەهۆی موشکبارانەکەوە بەڵیندەرێکی ئەمەریکی بەهۆی جەڵتەی دڵەوەگیانی لەدەستدا.