گه‌ڕان

Shadow Shadow
سیاسه‌تی

زانیاری زیاتر

وەزیرێكی كۆمەڵ: پلانێك لەپشت دیداری پاپا و سیستانییەوەیە

2021.03.06 - 16:09
App store icon Play store icon Play store icon
وەزیرێكی كۆمەڵ: پلانێك لەپشت دیداری پاپا و سیستانییەوەیە

ناس کورد-

وەزیرێكی پێشووتری كۆمەڵی ئیسلامی پێیوایە پلانێك لەپشت دیداری پاپای ڤایتكان و ئایتوڵڵا عەلی سیستانییەوە هەیە و دەڵێت، "ئەگەر ئەم ماستە موویەكی تیا نیە بۆ دەبێ كۆبونەوەكە نهینی بێت".

کەناڵی ناس کورد لە تێلیگرام جۆین بکە   

 

دارا محەمەد ئەمین، وەزیری ژینگە لە كابینەی پێنجەمی حكومەتی هەرێم لە بڵاوكراوەیەكدا لە پەیجی خۆی "فەیسبوك" كە "ناس كورد" بەدواداچوونی بۆ كردووە (6 ئازاری 2021) لەبارەی سەردانی ئەمڕۆی پاپای ڤاتیكان بۆ شاری نەجەف و دیداری مەرجەعی باڵای شیعە نووسیویەتی "زۆر نزیكە پلان بێت بۆ ناساندنی  نەجەف و سیستانی وەك مەرجەعی باڵای شیعەكانی جیهان وە پاپاش دەبێ ڕۆڵ ببینی بۆ چەسپاندنی ئەو كارە".

 

دارا محەمەد ئەمین ئاماژەی بەوەشكردووە، "باس لە مێژو بكەن كە چۆن كاتێك سوڵتان سولەیمانی قانونی  ئابڵۆقەی ڤیەننای دا لەساڵی 1352ز لە دواوە سەفەوییەكان بە ڕێككەوتنێك لەگەڵ ڕۆما بەغدایان داگیر كردو سوڵتانیش نەیتوانی بەردەوام بیت و پاشەكشەی كرد".

 

هەروەها دەڵێت "ئەمجارەش ڕێككەوتنی لەو شێوەیە  ئەگەری زۆرە!".

 

بەیانی ئەمڕۆ پاپا فرانسیس، ڕابەری کاسۆلیکەکانی جیھان لە دووەم ڕۆژی سەردانەکەی بۆ عێراق گەیشتە شاری نەجەف و چاوی بە عەلی سیستانی، مەرجەعی باڵای شیعەکانی عێراق کەوت. 

 

ل️ە ڕاگەیەنراوی نوسینگەی سیستانیدا لەبارەى کۆبوونەوەکە هاتووە، "گفتوگۆ کراوە لەسەر ئەو ئاڵنگارییە گەورانەى ڕووبەڕووی مرۆڤایەتی بوونەتەوە و ڕۆڵی باوەڕ بە خوای باڵادەست (الايمان بالله) و بە پەیامەکانی و پابەندبوون بە بەها ئەخلاقییە بەرزەکان و سەرکەوتن بە سەریاندا." 

 

دەشڵێت، "سەماحەتی سیستانی باسی گیرخواردنی زۆربەى وڵاتان کرد بە دەستی ستەم و ڕق و هەژاری و چەوسانەوەى ئاینی و فیکری و کپکردنی ئازادییە بنچینییەکان و نەبوونی دادگەری کۆمەڵایەتی کرد، بە تایبەت ئەوانەى کە گەلی ناوچەکەمان دەیچێژن لە شەڕ و کاری تێکدەرانە و گەمارۆی ئابوری و ئاوارەکردن و چەند شتێکی تر، بە تایبەت گەلی فەڵەستین لە خاکی داگیرکراودا".

 

محەمەد حەکیم، کارگێڕی ئەنجومەنی سەرکردایەتی کۆمەڵی دادگەریی کوردستان (هەینی 5ی ئاداری 2021) لە پەیجی فەیسبوکی خۆی وێنەیەکی پێشوازی پاپای لە عێراق دانا، لە نوسینەکەیدا ئایتی "إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ"ـی قورئانی پیرۆزی نوسیوە و دەڵێت، ھاتنی پاپا و ھەر چی کەسایەتی تری ئاینی دونیایە بۆ عێراق ھیچ لە دۆخی گەل ناگۆرێت." 

 

دەشڵێت، ئەوە "تەنھا بەرپرسە باڵاکان ئەگەر سودمەندبن!". 

 

دواى پێشوازیكردن لە پاپا فرانسيس پاپاى ڤاتيكان لە كۆشكى سەرۆكايەتى لە بەغدا، بەرهەم ساڵح، سەرۆك كۆماری عێراق لە وتەيەكدا وتى، بوونى پاپا لە عێراق دەرفەتێكى مێژوييە بۆ ئەوەى دوبارە جەخت لە بەهاى خۆشەويستى و پێكەوەژيانى ئشتيان بكرێتەوە، پاپاش ڕایگەیاند، "سوپاسگوزارم بۆ دەرفەتى هاتن بۆ عێراق لانگەى شارستانى و هەزاران ساڵە فرە ئايينى تايبەتمەندى عێراقە."