گه‌ڕان

Shadow Shadow
سیاسه‌تی

وردەکاری

تەندروستیی جيهانی هۆشداری لە شەپۆلى سێيەم و چوارەمى كۆرۆنا دەدات

2021.03.05 - 21:59
App store icon Play store icon Play store icon
تەندروستیی جيهانی هۆشداری لە شەپۆلى سێيەم و چوارەمى كۆرۆنا دەدات

ناس کورد-

ڕێكخراوى تەندروستیی جيهانى هۆشدارى دەدات لەوەى كە شەپۆلى سێيەم و چوارەمى پەتاى كۆرۆنا بەڕێوەيە ئەگەر ڕێوشوێنى پێويست نەگيرێتە بەر.

 

کەناڵی ناس کورد لە تێلیگرام جۆین بکە   

 

مايك ڕايان، بەڕێوەبەرى بەرنامەى فرياكەوتنى خێرا لە ڕێكخراوى تەندروستیی جيهانى (5ى ئازارى 2021) لە كۆنگرەيەكى ڕۆژنامەوانيدا کە "ناس کورد" بەدواداچوونی بۆ کردووە وتى، نابێت دەركەوتنى ڤاكسينەكانى كۆرۆنا ببێتە هاندەر بۆ حكومەتەكانى جيهان تا ڕێوشوێنەكانى دژى پەتاكە سوك بكەن، "لەدەستدانى تەركيز مەترسى بەدواوەيە."

 

ڕونيشيكردوەتەوە، "پێمانوايە كە ئەم بارودۆخە تێدەپەڕێنين، بەڵام لەسەر ئەو ڕێگەيە نين، ئەگەر هۆشيار نەبين ئەوا شەپۆلەكانى سێيەم و چوارەمى پەتاى كۆرۆنا ڕوو لە دەوڵەتانى جيهان دەكات."

 

بەڕێوەبەرى بەرنامەى فرياكەوتنى خێرا لە ڕێكخراوى تەندروستیی جيهانى جەختی لەوەشكردوەتەوە، چەندين حكومەت و كەسايەتى پێيان وايە پەتاى كۆرۆنا بووە بە ڕابردوو، ئێستا كاتى گونجاو نييە بۆ سوككردنى ڕێوشوێنەكانى دژى پەتاكە، لەوانەش بەڕازيل كە ژمارەيەكى زۆر توشبوو و گيانلەدەستدانى تێدا تۆمار دەكرێت.