گه‌ڕان

Shadow Shadow
سیاسه‌تی

ئەو تاوانە ترسناكەى گۆگڵ ڤيو ئاشكرايكرد ساختە دەرچوو

2021.03.05 - 20:51
App store icon Play store icon Play store icon
ئەو تاوانە ترسناكەى گۆگڵ ڤيو ئاشكرايكرد ساختە دەرچوو

ناس کورد-

ژمارەيەك كرێكار كە لە يەكێك لە شەقامەكانى شارۆچكەى فنتۆنى ئەمریکا ویلایەتی میشیگانی ئەمریکا كاريان دەكرد، ئۆتۆمبێلى كۆمپانياى گۆگڵيان تايبەت بە تۆماركردنى گرتەى ڤيديۆيى بۆ خزمەتگوزارى "ستريت ڤيو" هەڵخڵەتاند و تێێدا دەردەكەوێت تاوانێكى ترسناكيان ئەنجامداوە، بەڵام وا دەردەكەوێت تاوانەكە تەنها نمايشە.

 

کەناڵی ناس کورد لە تێلیگرام جۆین بکە   

 

ڕۆژنامەى "دەيلى ستار"ى بەريتانى (5ى ئازارى 2021) بڵاويكردووەتەوە، بەپێى وێنەكە كە لە تۆڕە كۆمەڵايەتيەكان بڵاوكراوەتەوە دەردەكەوێت كە دوو پياو يەكى چەكوشێكيان پێييە و لە پياوێكى تر دەدەن كە لە زەويدا كەوتووە، لەو كاتەشدا ئۆتۆمبێلەكەى كۆمپانياى كۆگڵ تێدەپەڕێت.

 

ئەوەش هاتووە، ئەو وێنەيەش لە تۆڕە كۆمەڵايەتيەكان دەنگۆيەكى زۆرى بەدواى خۆيدا هێناوە و هەندێك پێيان وايە كە ئۆتۆمبێلەكەى گۆگڵ تاوانێكى ترسناكى ئاشكرا كردوە و هەندێكى تريش باس لەوەدەكەن كە ئەوە نواندنە بەڵام جێى قبوڵكردن نييە.

 

ڕۆژنامەكە ڕونيشيكردووەتەوە، بەپێى زانياريەكان وێنەكە بۆ ساڵى 2014 دەگەڕێتەوە و ئەو كرێكارانە كاتێك بينيويانە ئۆتۆمبێلەكەى گۆگڵ لەو شوێنەوە تێدەپەڕێت ئەو نمايشەيان ئەنجامداوە.

 

لاى خۆيەوە پاوڵ ئينجڵ، بەڕێوەبەرى كۆمپانياى "جى ئێم زێد ليميتد" كە بەرپرسە لە شەقامەكانى ئەو ناوچەيە وتويەتى، سەرى سوڕماوە لەوەى كە بينيويەتى دووبارە وێنەكە بڵاوكراوەتەوە، ئەوەش سەرەڕاى تێپەڕبونى چەندين ساڵ.

 

هێماى بۆ ئەوەشكردوە، لەو كاتەدا تيمەكەى ئەو نمايشەيان وەك گاڵتە كردووە و كەس زيانى پێنەگەيشتووە، خۆشحاڵبووين كە توانيمان خەڵك بخەينە پێكەنين لە تۆڕە كۆمەڵايەتيەكان، هەروەها ڕيكلامێكى بێبەرامبەرمان بۆ كۆمپانياكەمان دەستكەوت.