گه‌ڕان

Shadow Shadow
سیاسه‌تی

راپۆرتێکى ئەمریکى: بایدن وەشاندنى گورزى دووەمى لە گروپە چەکدارەکان هەڵوەشاندووەتەوە

2021.03.05 - 12:05
App store icon Play store icon Play store icon
راپۆرتێکى ئەمریکى: بایدن وەشاندنى گورزى دووەمى لە گروپە چەکدارەکان هەڵوەشاندووەتەوە

ناس کورد-

 

راپۆرتێکى ئەمریکى ئاشکرایکرد، جۆ بایدن دووەم گورزى ئاسمانى لەدژى گروپى چەکدارەکان لە سوریا هەڵوەشاندووەتەوە، لەکاتى وەشاندنى گورزى یەکەم بۆ سەر پێگەى ئەو گروپانە لەسەر سنورى سوریا و عێراق.

کەناڵی ناس کورد لە تێلیگرام جۆین بکە   

 

بەپێی راپۆرتێکى رۆژنامەى وۆل ستریت جۆرناڵى ئەمریکى کە "ناس کورد" بەدواداچوونى بۆ کردووە، هێرشەکەى سەر هەولێر و بنکەى ئاسمانى بەلەد لە عێراق، بیروڕاکانى تایبەت بە پێویستى وەڵامدانەوەى سەربازى لەناو ئیدارەى ئەمریکا زیاتر کردووە.

 

ئاماژە بەوەشکراوە، دواى 10 رۆژ تاوتوێکردن بایدن فەرمانى بە وەزارەتى بەرگرى کردووە هێرشى ئاسمانى بکەنە سەر دوو ئامانج لە سوریا وەک وەڵامدانەوەى هێرشەکان.    

 

بەپێی راپۆرتەکە، سەرلەبەیانى 25ى شوبات، بایدن چاوى بە گەورە بەرپرسان کەوتووە و بۆ ماوەى نزیکەى کاتژمێرێک کۆبوونەتەوە، دواتر ئامانجى هێرشەکە لە سوریا و شەوى ئەنجامدانیان دیاریکردووە.

 

لەگەڵ بوونى فڕۆکەى F-15E لە ئاسمان، زانیارییەکان ئاماژەیان بە بوونى گروپێک ژن و منداڵ کردووە لەکاتى ئامادەکاریی بۆ وەشاندنى گورزى دووەم، ئەوەش پێش نیو کاتژمێر لە هێرشەکە، بەپێی راپۆرتەکە.

 

ئەوەش خراوەتەڕوو، راوێژکارى ئاسایشى نیشتیمانى ئەمریکا زانیارییە هەواڵگرییەکانى لەو بارەیەوە داوەتە سەرۆک، تا بەپەلە بڕیار بدات کە گورزەکە هەڵبوەشێنرێتەوە یاخود یەک ئامانج بپێکرێت. لەکۆتاییدا بایدین فەرمانى بە وەزیرى بەرگرى کرد، یەک ئامانج بپێکرێت.

 

چەند بەرسێکى گەورە لە ئیدارەى بایدن باسیان لەوەکردووە، کە ئامانج لەو گورزە ناردنى پەیام بووە بۆ ئێران، کە تیمى نوێی کۆشکى سپى وەڵامى هێرشە موشەکییەکان دەدەنەوە.

 

ئاماژەیان بەوەشکردووە، دواى هێرشەکە پەیامێکى نهێنى ئاڕاستەى ئێران کراوە، بەبێ ئەوەى هیچ وردەکارییەک لەو بارەیەوە ئاشکرابکەن.