گه‌ڕان

Shadow Shadow
سیاسه‌تی

وردەکاریى

کارنامەى دانیشتنى ئەمڕۆى پەرلەمانى عێراق راگەیەندرا ’پڕۆژە یاسایەکى گرنگ تاوتوێ دەکرێت’

2021.03.04 - 08:58
App store icon Play store icon Play store icon
کارنامەى دانیشتنى ئەمڕۆى پەرلەمانى عێراق راگەیەندرا ’پڕۆژە یاسایەکى گرنگ تاوتوێ دەکرێت’

ناس کورد-

فەرمانگەى راگەیاندنى ئەنجومەنى نوێنەرانى عێراق خشتەى کارنامەى دانیشتنى ئەمڕۆى پەرلەمانى بڵاوکردەوە کە تاوتوێى چەند پرسێک دەکرێت لەوانە یەکلایکردنەوەى یاساى دادگاى ئیتیحادى.

 

کەناڵی ناس کورد لە تێلیگرام جۆین بکە   

 

فەرمانگەى راگەیاندنى  ئەنجومەنى نوێنەرانى عێراق (4ى ئازارى 2021) لە راگەیەندراوێکدا کە وێنەیەکى دەست "ناس کورد" کەوتووە خشتەى کارنامەى دانیشتنى ئەمڕۆى پەرلەمانى بڵاوکردەوە و بەگوێرەى راگەیەندراوەکە لە دانیشتنەکەدا دەنگ لەسەر چەند پڕۆژە یاسایەک دەدرێت کە لە گرنگترینیان یاساى دادگاى ئیتیحادییە.

 

 

پێشتر بەهار مەحمود، ئەندامى لیژنەى یاسایى لەپەرلەمانى عێراق (15ى شوباتى 2021)  لەلێدوانێکیدا بۆ ڕۆژنامەى سەباحى فەرمى کە "ناس کورد" بەدواداچوونى بۆ کردبوو ڕایگەیاند،تا ئێستا یاسای دادگاى ئیتیحادى پەکیکەوتووە بەهۆى ڕێکنەکەوتنى لایەنە سیاسیەکان لەسەرى و ڕێکنەکەوتنەکەش زیاتر لەبارەى ڕۆڵى یاساناس و شەرعزانەکانە لەو دادگایەدا. 

 

ئاماژەى بۆ ئەوەش کردووە، لیژنەى یاسایى کارەکەى بەدڕاشتنەوەى یاسایەک تەواو کردووە و ئەوەش هەنگاوێکى دروستە بەڵام ناتوانرێت لەپەرلەمانەوە یەک لەسەر سێى دەنگەکان بەدەستبهێنێت. 

 

بەهار مەحمود دەشڵێت، لیژنەکەیان کارى بۆ هەموارکردنەوەى یاسا کۆنەکە کردووە بەڵام ناکۆکییە سیاسیەکان هێشتا لەسەر ژمارەى ئەندامانى دادگاکە و ئەو لایەنەى کە کاندیدیان دەکات بەردەوامە. 

 

بەوتەى ئەو پەرلەمانتارە، لیژنەکەیان چاوەڕوانى ڕێکەوتنى لایەنەکانە لەسەر خاڵە ناکۆکییەکانى یاساکە.