گه‌ڕان

Shadow Shadow
سیاسه‌تی

زانیاری زیاتر

گروپی سید الشهداء پەیامێك ئاڕاستەی حکومەت و بەرپرسانى هەرێم دەكات

2021.03.03 - 23:24
App store icon Play store icon Play store icon
گروپی سید الشهداء پەیامێك ئاڕاستەی حکومەت و بەرپرسانى هەرێم دەكات

ناس کورد- 

دواى ئەوەى دەزگاى دژە تیرۆرى هەرێمى کوردستان دانپێدانانى ئەندامێکى کەتیبەکانى "سید الشهداء" ى بڵاوکردەوە کە لە پشت هێڕشە موشەکیەکەى هەولێرەوە بوون، ئەو کەتیبانە ڕەتیدەکەنەوە ئەو کەسە سەر بەوان بێت و داواش لە حکومەتى هەرێم و سیاسیەکان دەکەن نەکەونە داوى تۆمەتەکانى ئەمەریکاوە.

کەناڵی ناس کورد لە تێلیگرام جۆین بکە   

 

ئەمیندارێتى کەتیبەکانى "سید الشهداء"  (چوارشەممە 3ى ئازارى 2021) لە ڕاگەیەنراوێکدا بڵاویکردوەتەوە، جارێکى تر داگیرکارى ئەمەریکا دواى دۆڕاندنە بەردەوامەکانى لەسەر دەستى عێراقیەکان کە بوونى لەسەر خاکەکەیان رەتدەکەنەوە تۆمەت دەبەخشنەوە و کەتیبەکانى "سید الشهداء" بە بۆردومانکردنى بنکە داگیرکارییەکەیان لە هەولێر تۆمەتبار دەکەن.

 

ئەوەش هاتووە، "ئەوەش لە ڕێگەى دانپێدانانى کەسێکەوە کە نە لە دوور نە لە نزیک سەربە ئێمە نییە، لەکاتێکدا کە شانازى بە سەرجەم کارى بەرگرییانەوە دەکەین بۆ دەرکردنى داگیرکەران و تۆڵەکردنەوەى شەهیدان، ڕەتیدەکەینەوە بنکەى ئەمەریکییەکانمان لە هەرێمى کوردستان بۆردومان کردبێت."

 

کەتیبەکانى "سید الشهداء" داواش لە حکومەت و سیاسیەکانى هەرێمى کوردستان دەکات کە نەکەونە داوى تۆمەتەکانى ئەمەریکاوە، داواش لە حکومەتى عێراقى دەکەن پێکهاتەکانى بپارێزێت بەتایبەتى ئەوانەى کە لەپێناو ئازادکردنى خاکى عێڕاق خوێنیان پێشکەش کردووە.

 

بەپێویستیشى دەزانن، کە ڕێگرى لە هەڵمەتى دەستگیرکردنى هەڕەمەکى بکرێت و حکومەتى هەرێمیش تۆمەتبار دەکەن بەوەى کە فشار دروست دەکات و ئەو گەنجانە دەستگیر دەکات کە سەربە حەشدى شەعبین، پێشى وایە، ئەو دەستگیرکردنانە بۆ وەرگرتنى دانپێدانانى ناڕاستن ئەوەش لەپێناو ئەوەى باوەڕ بە ڕاى گشتى و دەرەکى بهێنێت کە تواناى پاراستنى ئاسایشى هەرێمى کوردستانى هەیە.

 

كەتائيبى "سيد الشهداء" یەكێكە لە گروپە وەلائییەكانی شوێنكەوتەی ویلایەتی فەقیه كە لەساڵی 2013 راگەیەنراوە و بەشدارییەكی چالاكی لە شەڕی سوریادا هەبووە، ئەبو مستەفا شەیبانی سەرۆكایەتیی ئەم گروپە دەكات و باوەڕ وەهایە ڕاستەوخۆ لە سوپای پاسدارانی ئێرانی فەرمان وەرگرن بەڵام لە ڕیزەكانی حەشدی شەعبیدان.

 

ڕاپۆرتەكان ئەوە ئاشكرا دەكەن لە ساڵانی جەنگی داعشدا ئەم گروپە یەكێك بووبێت لەوانەی لەلایەن "ئەبو مەهدی موهەندیس"ەوە زۆر زیاتر لە هاوتا عێراقییەكانیان خزمەت كرابێت لەم میانەیەشدا هەندێ بەڵگەنامە كە پەیمانگای واشنتۆنی ئەمەریكی بڵاوی كردووەتەوە باس لەوە دەكەن لە بودجەی 2017ی حەشدی شەعبی كە 1.63 ملیار دۆلار بووە، 100%ی چەكدارەكانی كەتیبەكانی "سید الشهداء" سوودمەند بوون كە 1500 چەكدار بوون.