گه‌ڕان

Shadow Shadow
سیاسه‌تی

بە گومانی بوونی بەغدادی لەلیبیا، تونس ڕێوشوێنە ئەمنییەکانی لەسنورەکانی بەرزکردوەتەوە

2019.05.31 - 14:05
App store icon Play store icon Play store icon
بە گومانی بوونی بەغدادی لەلیبیا، تونس ڕێوشوێنە ئەمنییەکانی لەسنورەکانی بەرزکردوەتەوە

کەناڵی ناس کورد لە تێلیگرام جۆین بکە   

ناس کورد- هاوپەیمانی نێودەوڵەتی دژ بە داعش ڕایگەیاند  زانیاری وردیان  لەبەردەستدایە کە ئەبو بەکر بەغدادی  سەرۆکی ڕێکخراوی داعش لەباشوری لیبیایە ، تونسیش ڕێوشوێنی ئەمنی تووندی لەسنوری وڵاتەکەی لەگەڵ لیبیا گرتوەتە بەر. .   گۆڤاری"جۆن ئەفریکی" فەڕەنسی بڵاویکردەوە دوای بڵاوبوونەوەی  زانیاریەکانی هاوپەیمانی نێودەوڵەتی دژ بە داعش لەبارەی بوونی ئەبوبەکر بەغدادی سەرۆکی ڕێکخراوی داعش لە باشوری لیبیا،  تونس چەند ڕۆژیکە باری نائاسایی ڕاگەیاندوە، بە تایبەت لەو ناوچانەی کە دەکەونە نزیک سنوری وڵاتەکەی لەگەڵ لیبیادا . . هاوکات ڕۆژنامەی "دەیلی ئێکسپرێسی" بەریتانی بڵاویکردوەتەوە ئێستا دەزگاى هەواڵگری چەند وڵاتێکی ئەوروپی سەرقاڵی دۆزینەوەی شوێنی حەشاردانی بەغدادین . . ڕۆژنامەکە ئاماژەی بەوەشکردوە دواین زانیاری لەسەر شوێنی بەغدادی لەمانگی شوباتی 2019 بووە ، بەڵام لەدوای ئەو وادەیەوە هیچ زانیاریەک لەسەر شوێنی حەشاردانی بەغدادی لەلای هاوپەیمانی نێو دەوڵەتی نەبووە. . بەپێی زانیارییەکانی رۆژنامەکە دەزگای هەواڵگری بەریتانیا ماوەیەکە ، بریکارەکانی خستوەتە گەڕ تا ئەو زانیاریانەی کە باس لەشوێنی بەغدادی دەکەن، لەناوچەکانی باشوری لیبیا  پشتراستبکەنەوە .