گه‌ڕان

Shadow Shadow
سیاسه‌تی

بەپەلە

پارێزگاری سلێمانی قسە لەسەر قەدەغەی هاتوچۆ و داخستنی خوێندگەکان دەکات

2021.03.01 - 11:42
App store icon Play store icon Play store icon
پارێزگاری سلێمانی قسە لەسەر قەدەغەی هاتوچۆ و داخستنی خوێندگەکان دەکات

ناس کورد-

پارێزگاری سلێمانی ڕایگەیاند، هیوادارن بڕیارەکانی لیژنەی باڵای ڕووبەڕوبوونەوەی کۆرۆنای هەرێم، قەدەغەی هاتوچۆی تێدا نەبێت و گرفت بۆ کەسابەتی هاووڵاتیان دروست نەکرێت و دەرگای قوتابخانەکانیش دانەخرێن، بەڵکو ڕێکارەکانی خۆپاراستن توندبکرێنەوە.

کەناڵی ناس کورد لە تێلیگرام جۆین بکە   

 

بڕیارە ئەمڕۆ (دووشەممە 1ی ئاداری 2021) لیژنەی باڵای ڕووبەڕووبوونەوەی کۆرۆنا لە هەرێمی کوردستان کۆببێتەوە و بڕیار لەبارەی ڕێکارەکانی بەرەنگاربوونەوەی ڤایرۆسەکە و چارەنوسی پرۆسەی خوێندنەوە بدات.

 

لەوبارەیەوە، هەڤاڵ ئەبوبەکر، پارێزگاری سلێمانی لە کۆنفرانسێکی ڕۆژنامەوانیدا ڕایگەیاند، "هیودارین ئەو ڕێکارانەی دەگیرێنەبەر، گرفت بۆ کەسابەت و بژێوەی ژیانی هاووڵاتیان دروست نەکەن و جارێکیتر بڕیاری کەرەنتینە و قەدەغەی هاتوچۆ نەدرێت."

 

وتیشی، "هەروەها هیوادارین دەرگای قوتابخانەکانیش دانەخرێن و پرۆسەی خویندن ڕانەگیرێت، بەڵکو ئەگەر لە پۆلێکدا توشبوویەک هەبوو، ئەو پۆلە دابخرێت، یاخود خوێندنگەیەک دانەخرێت، نەک پرۆسەی خوێندن بە گشتی ڕابگیرێت."