گه‌ڕان

Shadow Shadow
سیاسه‌تی

وردەکاریى

عەرەبی پۆست: حەشدی وەلائی و پەكەكە لەبارەی شەنگالەوە رێككەوتن

2021.03.01 - 10:45
App store icon Play store icon Play store icon
عەرەبی پۆست: حەشدی وەلائی و پەكەكە لەبارەی شەنگالەوە رێككەوتن

ناس کورد- 

ماڵپەری عەرەبی پۆستی نزیك لە دەوڵەتی قەتەر لەزاری سەرچاوەكانییەوە بڵاویكردەوە كە گروپە چەكدارەكانی سەر بەئێران (حەشدی وەلائی) و باڵەكانی پەكەكە رێككەوتوون پێكەوە بەرپەرچی هێرشی گریمانەكراوی توركیا بۆسەر شەنگال بدەنەوە.

 

کەناڵی ناس کورد لە تێلیگرام جۆین بکە   

 

ماڵپەری عەرەبی پۆستی (1ى ئازارى 2021) لە ڕاپۆرتێکدا بڵاویکردەوە، دواى هێرشەکانى ئەمدواییەى تورکیا بۆ سەر ئەندامانى پارتى کرێکارانى کوردستان لە قەزاى شنگال، گروپە چەکداریەکانى سەر بەئێران کۆبونەوەیەکى بەپەلەیان ئەنجامدا بۆ گفتوگۆکردن لەسەر ڕێگاکانى بەرپەرچدانەوەى ئەنقەرە لەناوچەکە.

 

ئەوەش هاتووە، بەپێى زانیاریەکان لەکۆبونەوەکەدا گروپى " نوجەبا"ى سەربە "کەتیبەکانى حزبوڵڵا" و "پەکەکە" و "هێزەکانى بەرگرى ئێزدى" لە قەزاى شنگال و ئەفسەرانى سوپاى پاسدارانى ئێران بەشداربوون.

 

بەپێى زانیاریەکانى هەمان ماڵپەڕ، هێزەکانى حەشدى شەعبى بڕیاریانداوە شنگال لەبەردەم هێرشى تورکیادا جێنەهێڵن و لیوایەکى سەربە "نوجەبا" ڕاسپێردراوە بۆ ئەوەى لە شنگال جێگیر ببن.

 

عەرەبى پۆست ئەوەشى ئاشکراکردوە، هەروەها لە کۆبونەوەکە "محەمەد کەوسەرانى" سەرکردە لە حزبوڵڵاى لوبنان ئامادە بووە و تێیدا باس لە گرنگى هەماهەنگیکردن لەگەڵ سوپاى پاسداران و پەکەکە کراوە بۆ گفتوگۆکردن لەسەر ڕێگەکانى پاراستنى هەرێم، ڕێککەوتن لەسەر ئەوە کراوە نوجەبا باشورى قەزاى شنگال بە تەواوەتى بگرێتە ئەستۆ بە هاوکارى پەکەکە و لەڕێگەى حزبوڵڵاى عێراقیەوە زیاتر پڕچەک دەکرێن.

 

جەختلەوەشکراوەتەوە، هەرچى سەبارەت بەدابینکردنى چەکە بۆ پەکەکە لە شنگال لەلایەن ئێرانەوە موشەکى 107 ملم و زەخیرەیان بۆ هاتووە.

 

ماڵپەڕەکە لە زارى سەرچاوەیەکى ئاگادار لە کۆبونەوەکە ئاماژەى بەوەداوە، ڕێکەوتووین لەسەر هاوکاریکردنى پەکەکە بۆ ڕوبەڕوبونەوەى دەستدرێژیەکانى تورکیا و ڕێگەنەدان بە داعش بۆ قۆستنەوەى هێرشەکانى تورکیا و دزەکردن بۆ ناو قەزاى شنگال، هەروەها پەکەکەش شارەزاییەکى دورو درێژیان هەیە لە شەڕى دژى داعش.