گه‌ڕان

Shadow Shadow
سیاسه‌تی

وەزارەتی بەرگری تورکیا ڤیدیۆیی ئۆپڕاسیۆنێکی سەربازەکانی تورکیای لە هەرێمی کوردستان بڵاوکردەوە

2019.05.30 - 21:28
وەزارەتی بەرگری تورکیا ڤیدیۆیی ئۆپڕاسیۆنێکی سەربازەکانی تورکیای لە هەرێمی کوردستان بڵاوکردەوە
ناس کورد- وەزارەتی بەرگری تورکیا ڤیدیۆیەکی ئۆپراسیۆنێکی سەربازی ئەو وڵاتەی بڵاوکردەوە کە لەناو هەرێمی کوردستان و لە شاخی خواکوڕک دژ بە گەریلاکانی پارتی کرێکارانی کوردستان، ئەنجامیداوە. . رۆژی سێشەممەی رابردوو، وەزارەتی بەرگریی توركیا لە بارەی ئەو هێرشە نوێیەیان بۆ سەر گەریلاكانی پارتیی كرێكارانی كوردستان رایگەیاند: "لە ئێوارەی دوێنێوە ئۆپەراسیۆنێكمان دژی چەكدارانی پەكەكە بە بەشداریی هێزی كۆماندۆزی توركی و تۆپخانەكانی سوپا دەست پێ كردووە و سنووری ئۆپەراسیۆنەكەش شاخی خواكوڕك دەگرێتەوە". . بەگوێرەی زانیارییە بڵاوکراوەکانی میدیای فەرمی تورکیا ئۆپراسیۆنەکە ناوەندێکی هاوبەشی باڵای بۆ پێکهێنراوە کە لەلایەن وەزیری بەرگریی تورکیا، سەرۆک ئەرکانی سوپا، جەنەراڵ یاشار گولەر و فەرماندەی هێزەکان، لە ناوەندی ئۆپەراسیۆنەکان ڕاستەوخۆ سەرپەرشتی دەکرێت و ناوچەی خواکورکی لەدیوی باشوری کوردستان کردووەتە ئامانج. . ئۆپراسیۆنەکە جگە لەهێزە تایبەتیەکانی تورکیا، هاوکات ئەو هێزانەش تێیدا بەشدارن کە لەناو خاکی هەرێمی کوردستاندان، ئامانجی ئۆپراسیۆنەکەش جگە لەلاوازکردنی “پێگەی پەکەکە و کەمکردنەوەی نفوزیان لەو ناوچانە” هاوکات ئامانجیانە گەمارۆی زیاتری قەندیل بدەن. https://twitter.com/tcsavunma/status/1133629129465704449 .