گه‌ڕان

Shadow Shadow
سیاسه‌تی

زانیارى زیاتر

جۆ بایدن: تۆڵەى هێرشەکەى هەولێرمان کردەوە

2021.02.28 - 21:00
App store icon Play store icon Play store icon
جۆ بایدن: تۆڵەى هێرشەکەى هەولێرمان کردەوە

ناس کورد-

سەرۆکى ولایەتە یەکگرتوەکانى ئەمەریکا رایگەیاند، هێرشە ئاسمانیەکەى سەر سنورەکانى عێراق-سوریا وەڵامى هێرشە موشەکیەکەى هەولێر بووە.

 

کەناڵی ناس کورد لە تێلیگرام جۆین بکە   

 

ئاژانسى بلومبێرگى ئەمریکى (یەکشەممە، 28ى شوباتى 2021) بڵاویکردوەتەوە، جۆ بایدن سەرۆکى ئەمەریکا نامەیەکى بۆ "نانسى بیلوسى" سەرۆکى ئەنجومەنى نوێنەران و "پاتریک لیهى" سەرۆکى کاتى ئەنجومەنى پیران ناردوە، نامەکە لەسەر هێرشەکانى ئەمدواییەى فڕۆکەکانى وڵاتەکەى بووە بۆ سەر پێگە و مۆڵگەکانى میلیشیاکانى نزیک لە ئێران لەسەر سنورەکانى عێراق سوریا.

 

بایدن لە نامەکەیدا باسى لەوەکردوە کە هێرشەکە وەڵامى هێرشە موشەکیەکانى ئەمدواییە بووە کە پێگەکانى ئەمەریکایان لە عێراق کردە ئامانج لەوانەش هێرشەکە شارى هەولێر.

 

ئاژانسەکە ئەوەشى ڕونکردوەتەوە، نامەکە دواى ڕەخنەکانى دیموکراتەکانى کۆنگرێس دێت لە بایدن لەوەى کە تەنها دواى 5 هەفتە لە دەستبەکاربونى وەک سەرۆکى ولایەتە یەکگرتووەکانى ئەمەریکا هێزى سەربازى بەکارهێناوە.

 

رۆژى هەینى وەزارەتى بەرگریی ئەمەریکا (پنتاگۆن) ڕاگەیەندراوێکى لەبارەى هێرشێکى ئاسمانى ئەو وڵاتە بۆ سەر چەند پێگەیەکى چەکدارانى نزیک لە ئێران لە سنورى سوریا بڵاوکردەوە و ڕایگەیاند، "هێرشە ئاسمانییەکە وەڵامدانەوەیەکە بۆ ئەو هێرشە موشەکییەى کە کرایە سەر بنکەى هاوپەیمانان لە شارى هەولێر".    

  

بەگوێرەى راگەیەندراوێکى پنتاگۆن (26ى شوباتى 2021)، لە هێرشە ئاسمانییەکەى سوپاى ئەمەریکادا چەندین پێگەى چەکدارانى کەتائیبى حیزبوڵا و کەتائیبى سەیدولشوهەدا لە ڕۆژهەڵاتى وڵاتى سوریا کردووەتە ئامانج و ئەو گروپانەشى بە گروپى چەکدارى نزیک لە ئێران ناوبردووە.    

  

ئاماژە بەوەش کراوە کە هێرشە ئاسمانییەکە بە فەرمانى راستەوخۆى جۆ بایدن، سەرۆکى ئەمەریکا ئەنجامدراوە.    

  

هەروەها بەگوێرەی سەرچاوەکانی هەواڵ نزیک لە میدیاكانی چەکدارانی عەسایب و حیزبوڵڵا (26ی شوباتی 2021) کە "ناس کورد" بەدواداچوونی بۆ کردووە ئاماژە بەوە کراوە "ئەو هێرشە ئاسمانییەی کە لەلایەن فڕۆکە جەنگییەکانی ئەمەریکاوە کراوەتە سەر چەکدارەکانمان لەسەر سنوری نێوان عێراق وسوریا بە چاوساغی ناوخۆیی بووە".    

  

سەرچاوەکان ئەوەیان خستووەتە ڕوو "هێرشە ئاسمانییەکە بە هاوکاریی دەزگای هەواڵگریی" بەکرێگیراو" بووە و نۆکەرەکانی ئەمەریکاش لەژێر سایەی کندڕی شوانەکاندا ئەو کارەیان کردووە".    

  

ئاماژە بەوەشکراوە "پێشتر زانیاریمان بووە کە ئەمەریکا نیازی هەیە هێرشێکی لەو جۆرە ئەنجام بدات، بۆیە پێشوەختە پێگەکانمان لەو ناوچەیە چۆڵکردبوو، فڕۆکەکانی ئەمەریکا شەش بۆحەوت پێگەیان لەو ناوچەیە کردووەتە ئامانج".    

  

بەوتەی ئەوسەرچاوانە "ئەو فڕۆکانەی کە ئەرکەکەیان ئەنجامداوە لە جۆری فڕۆکەی F15E وبۆمبی جۆری JDAM بەکارهێناوە و لەڕێگەی ئاسمانەوە لە ئاسمانی پارێزگای ئەنبارەوە سوتەمەنیان وەرگرتووە.