نەوتی خەزنکراوی ئەمریکا بەشێوەیەکی چاوەڕواننەکراو دابەزی

ناس کورد - دەزگای زانیاری نەوتی ئەمریکا بڵاویکردەوە لەسەرو پێشبینیەکانەوە ئاستی نەوتی خەزنکراوی ئەمریکا کەمیکردووە، لەبەرامبەردا بەنزین زیادیکردووە. . بەگوێرەی هەواڵی دەزگاکە، هەفتەی ڕابردوودا 282 هەزار بەرمیل لەنەوتی خەزنکراوی ئەمریکا کەمیکردوو ئەوەش لەسەرو ئەو پێشبینیانەوە بوو کە لەلایەن شیکەرەوانی ئەو بوارەوە دەکرا و بڕوایان وابوو، 857 هەزار بەرمیل دادەبەزێت. . دەزگای زانیاری نەوتی ئەمریکا دەڵێت: "کۆگای سەرەکی ناوەندی هەڵگرتنی نەوت لە ناوچەی کاشینگی ویلایەتی ئۆکلاهۆما، 16 هەزار بەرمیل کەمیکردووە". . هەر بەگوێرەی زانیاری پەخشکراوی دەزگاکە، ئاستی بەکاربردنی نەوتی پاڵاوگەکان بۆ 189 هەزار بەرمیل بەرزبوونەوەی بەخۆوە بینیوە، ئەمە جگە لەوەی 1.3 پلە بەرێژەی ناوەندییەتی کارپێکردنی پاڵاوگەکان زیادیکردووە. . لەلایەکی دیکەوە ئاستی بەنزینی خەزنکراوی ئەمریکا 2.2 ملیۆن بەرمیل بەرزبوونەوەی بەخۆوە بینی، بەپێچەوانەوە بەرهەمە پاڵێوراوەکان لەوێنەی (گاز، دیزڵ، ڕۆن، زەیتی گەرمکەرەوەی ماڵان) بە ڕێژەی 1.6 ملیۆن بەرمیل زیادیان کردووە. . دەزگای زانیاری نەوتی ئەمریکا ئەوەشی خستووەتەڕوو، نەوتی پوختی هەناردەکراوی ئەمریکا بەبڕی 476 هەزار بەرمیل بۆ سێ ملیۆن و 55 هەزار بەرمیلی ڕۆژانە دابەزیوە". . لەئەنجامی ئاشکراکردنی ئەو زانیارییانە، نەوتی خاوی برێنت لەبازاڕەکانی جیهان 68.20 دۆلار دابەزی، هاوکات نەوتی خاوی ئەمریکیش 60 سەنت کەمیکرد و گەیشتە 58.21 دۆلار بۆ یەک بەرمیل. .