گه‌ڕان

Shadow Shadow
سیاسه‌تی

زانیاری زیاتر

ڕاگەیەنراوێک لە قائیمقامی سلێمانییەوە

2021.02.27 - 19:56
App store icon Play store icon Play store icon
ڕاگەیەنراوێک لە قائیمقامی سلێمانییەوە

ناس کورد-

ئاوات محەمەد، قائیمقامی سلێمانی ڕایگەیاند، سلێمانی شارێکی ئازادە و لەگەڵ بیروڕای جیاوازدایە، ئەو کارەی بەرامبەر غالب محەمەد ئەنجامدراوە، بەرامبەر بە ئیدارە هێزە ئەمنییەکان ئەنجامدراوە، دەشڵێت، دوای تەواوبوونی بەدواداچوونەکان لەسەر ڕووداوەکە، ئەنجامەکەی بۆ رای گشتی بڵاودەکرێتەوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا قائیمقامی سلێمانی (شەممە 27ی شوباتی 2021) بڵاویکردەوە دوای بەسەرکردنەوەی غالب محەمەد، پەرلەمانتاری فراکسیۆنی گۆڕان بۆ دڵنیابوونەوە لە ڕەوشی تەندروستی دوای ئەو هێرشەی شەوی رابردوو کرایەسەری، دڵنیایی دەدەن کە پۆلیس و ئاسایش لێکۆڵینەوە لە ڕووداوەکە دەکەن."

 

ئاماژەی بەوەشکردووە، "سلێمانی شارێکی ئازادە و لە گەڵ ئازادی و بیروڕای جیاوازە، شارێکی ئارامە و بە روداوێکی لەوشێوەیە نائارامی دروست نابێت."

 

قائیمقامی سلێمانی جەختیشیکردەوە، " هێزەکانی ئاسایش و پۆلیس سەرقاڵی جێبەجێکردنی ئەرکەکانیان و بەدواداچوون بۆ ڕووداوەکە دەکەن، دڵنیاین جێ پێی ئەو تاواکارە دەدۆزرێتەوە کە ئەو کارە ترسنۆکانەی دەرهەق بە دکتۆر غالب ئەنجامداوە".

 

ئاوات محەمەد ئاماژەی بەوەشکردووە، "ئەو کارە، دەرهەق بە هەموو خەڵکی سلێمانی ئەنجامدراوە، ئێمە وای دەزانین دەرهەق بە ئیدارە و حکومەت و هێزە ئەمنییەکانی سلێمانی ئەنجامدراوە".

 

سەبارەت بە لێکۆڵینەوەکان لە روداوەکەش، قائیمقامی سلێمانی رایگەیاندووە، "با چاوەڕوان بین دواتر لەلایەن ئاسایش و پۆلیس و ئاسایشەوە لێکۆڵینەوە و بەدواداچونەکان تەواو بوون ئەنجامەکەی بۆ رای گشتی بڵاودەکرێتەوە."

 

زانیاری زیاتر: لێدوانێکی نوێ لە پۆلیسی سلێمانییەوە لەبارەی ئەو کەسەی هێرشیکردە سەر غالب محەمەد

 

ئێوارەی دوێنێ ( هەینی 26ی شوباتی 2021) لە شاری سلێمانی هێرشکرایەسەر، غالب محەمەد، پەرلەمانتاری فراکسیۆنی گۆڕان لە بەغدا و بریندارکرا، دواتر بە پەلە گەیەنرایە نەخۆشخانەی شار و دوای وەرگرتنی چارەسەر ڕەوانەی ماڵەوە کرایەوە.