گه‌ڕان

Shadow Shadow
سیاسه‌تی

زانیاری زیاتر

زەریف: ئەمەریکا دەیەوێت پەیوەندییەکانی ئێران و عێراق تێکبدات

2021.02.27 - 17:57
App store icon Play store icon Play store icon
زەریف: ئەمەریکا دەیەوێت پەیوەندییەکانی ئێران و عێراق تێکبدات

ناس کورد-

وەزیری دەرەوەی ئێران سەرکۆنەی ئەو هێرشە ئاسمانیەی ئەمدواییەی ئەمەریکای کرد بۆسەر گروپە چەکدارەعێراقییەکان لەناو خاکی سوریا و ڕایگەیاند، ئەو جۆرە کارانە ئامانج لێی  تێکدانی پەیوەندییە دوو قۆڵییەکەی نێوان عێراق و ئێرانە.

کەناڵی ناس کورد لە تێلیگرام جۆین بکە   

 

لەمیانەی سەردانەکەی فوئاد حسێن، وەزیری دەرەوەی عێراق بۆ ئێران (شەممە 27ی شوباتی 2021) وەزارەتی دەرەوەی ئێران لە ڕاگەیەندراوێکدا کە وێنەیەکی دەست "ناس کورد" کەوتووە، ڕایگەیاند، محەمەد جەواد زەریف، وەزیری دەرەوەی ئێران و هاوتا عێراقییەکەی لەمیانەی کۆبوونەوەیەکدا کە ئەمڕۆ ئەنجامیانداوە، جەختیانکردووەتەوە کە وڵاتەکانیان بەتوندی بەڕووی هەڕهەوڵێک دەوەستنەوە کە مەبەست لێی بەلاڕیدابردنی پەیوەندییە دوو قۆڵییەکانی نێوان وڵاتەکانیان بێت.

 

وەزارەتی دەرەوەی ئێران لەڕاگەیەندراوەکەدا، ئاماژەی بەوەکردووە، زەریف لە میانەی ئەو کۆبوونەوەیەی تاراندا سەرکۆنەی ئەو بۆردومانە ئاسمانیانەی ئەمدواییەی ئەمەریکا کردووە کە کراونەتە سەر گروپە چەکدارە عێراقییەکان لە ناوچەی (ئەلبو کەمال) لە سوریا لەسەر سنوری عێراق و جەختی لەوە کردووەتەوە کە ئەوە بەشێکە لە پێشێلکردنی سەروەری وڵات.

 

زەریف، ئەوەشی وتووە، "هێرش و ڕووداوەکانی ئەمدواییەی ناو عێراق ئامانج لێی  تێکدان و کەمکردنەوەی پەیوەندییەکانی عێراقە لەگەڵ ئێران و تێکدانی ئاسایش و سەقامگیری ئەو وڵاتەیە."

 

هاوکات لای خۆیەوە فوئاد حسێن، وەزیری دەرەوەی عێراق جەختی لەوەکردووەتەوە، "  بەغدا ڕێگە نادات بەهیچ شێوەیەک ئەو ڕووداوانە ببنە هۆکاری تێکدانی پەیوەندییەکانی نێوان هەردوو وڵات".

 

بەگوێرەی ڕاگەیەندراوەکەی وەزارەتی دەرەوی ئێران، فوئاد حسین ئامادەی بەغدای دەربڕیوە بۆ پێشکەشکردنی ئاسانکاریی بە ئێران بۆ ئەوەی بتوانێت پارە بلۆککراوەکانی لە عێراق بەدەست بهێنێتەوە کە بەهۆی سزاکانی ئەمەریکاوە بلۆککراون و ئاماژەی بەوەشکردووە، "پێشکەوتن لە دانوستانەکانی نێوان هەردوو وڵات لەو باریەوە بەرەوە پێشەوە چووە".

 

بەگوێرەی ڕاگەیەندراوەکە، وەزیری دەرەوەی ئێران، جەختی لەوە کردووەتەوە،"  دەستپێکردن و تەواوکردنی هێڵی ئاسنی شەلامچە - بەسرە کە یارمەتیدەر دەبێت لە فراوانکردنی پەیوەندییە بازرگانییەکانی نێوان هەردوو وڵات بەمنزیکانە دەست پێ دەکات". 

 

 فوئاد حسێن، وەزیری دەرەوەی عێراق، ئەمڕۆ( شەممە 27ی شوباتی 2021) بەسەردانێکی فەرمیی  گەیشتە تاران و لەگەڵ بەرپرسانی ئەو وڵاتە کۆبووەوە.