گه‌ڕان

Shadow Shadow
سیاسه‌تی

وردەکاریى

نرخى زێڕ دابەزى ’نزمترین ئاست لەم هەفتەیەدا’

2021.02.26 - 10:38
App store icon Play store icon Play store icon
نرخى زێڕ دابەزى ’نزمترین ئاست لەم هەفتەیەدا’

ناس کورد- 

ئەمڕۆ (هەینی) نرخی زێڕ نزمترین ئاستی لەم هەفتەیەدا تۆمارکرد، کە بەدووەم دابەزین هەژمار دەکرێت لەم مانگەدا، شارەزایان ئاماژە بەوە دەکەن، زۆربوونی داهاتی قەواڵە دواخراوەکانی خەزێنەی ئەمەریکا، هۆکاری سەرەکی دابەزینی نرخەکەیەتی.

 

کەناڵی ناس کورد لە تێلیگرام جۆین بکە   

 

ئاژانسی" ڕۆیتەرز" (26ی شوباتی 2021) لە هەواڵێکدا کە "ناس کورد" بەدواداچوونی بۆ کردووە بڵاوى کردەوە "ئەمڕۆ (هەینی) زێڕ لە بازرگانیی پەڵەدا 0.1٪ دابەزیوە بۆ 1.767.81 دۆلار، ئەوەش دوای ئەوەی کە پێشتر نزمترین نرخی تۆمار کرد لە 19ی شوبات کە بە 1.764.90 دۆلار مامەڵی پێوە کرابوو، کە ئەوەش وایکردووە نرخەکەی لە هەفتەیەکدا بەڕێژەی 0.8٪ دابەزێ و بەرێژەی لە 4.2٪ لەسەرەتای ئەم مانگەوە دابەزین بە خۆیەوە ببینێت". 

 

ئاماژە بەوەش کراوە "بەرزبوونەوەی داهاتی قەواڵەکانی خەزێنەی ئەمەریکا وایکردووە کە بەهای دۆلار بەرزبێتەوە، بۆیە بۆندە دواخراوەکانی زێری ئەو وڵاتە بەرێژی 0.6٪ دابەزی بۆ 1.765.70 دۆلار، کە ئەوەش وایکردووە نرخەکان بەرێژەی لە 1.9 ٪ دابەزێ". 

 

جیفری هەیلی، شیکەرەوەی باڵای بازاڕ لە ئۆندا، لەو باریەوە دەڵێت "بەرهەمهێنانی ڤاکسینی دژ بە کۆرۆنا و پێشبینیەکان بۆ کردنەوەی ئابورییەکان و گەڕاندنەوەی ژیان بۆ دۆخی ئاسایی خۆی وایکردووە نرخەکان بەرزببنەوە کە ئەوەش وایکردووە زیاتر فشار بخاتە سەر نرخی زێر، هەڵاوسانی زێڕ بەرزبکاتەوە، بەڵام لە هەمانکاتیشدا ببێت بە هۆکاری بەرزبوونەوەی  بەرهەمی خەزێنەی ئەمەریکا". 

 

لەسەرەتای ئەم مانگەوە بەهای دۆلار بەرزبوونەوەی بەخۆیە دیوە و لە هەمانکاتیشدا داهاتی قەواڵە داراییە دواخراوەکانی ئەمەریکا کە ماوەکەی 10ساڵە زیادیکردوە کە ئەوەش وایکردووە خواست لەسەر زێر کەمبێتەوە.