گه‌ڕان

Shadow Shadow
سیاسه‌تی

وردەکاری

قاعیدە سەرکردەیەکى نوێى دانا.. پاسەوانى ڕەش کێیە؟

2021.02.25 - 22:56
App store icon Play store icon Play store icon
قاعیدە سەرکردەیەکى نوێى دانا.. پاسەوانى ڕەش کێیە؟

ناس کورد- 

ڕێکخراوى قاعیدە کەسێکى بە ناوى "سیف الثأر"ەوە وەک سەرکردەى نوێى ڕێکخراوەکە دەستنیشان کرد و بەپێى ڕاپۆرتەکان، بڕیارە ناوبراو ڕێکخراوەکە بگەڕێنێتەوە سەردەمى جارانى و ببێتەوە بە گروپێکى مەترسیدار، وەک سەردەمى ئوسامە بن لادن.

کەناڵی ناس کورد لە تێلیگرام جۆین بکە   

 

ڕۆژنامەى دەیلى مەیلى بەریتانى (پێنجشەممە 25ى شوباتى 2021) بڵاویکردوەتەوە، ڕێکخراوى قاعیدە لە جێگەى ئەیمەن زەواهرى سەرکردەى پێشووى کەسێکى ترى داناوە، کەسەکە بە "سیف الثأر" ناسراوە و ناوبراو ناوى ڕاستەقینەى "سیف العدل"ەو ئەفسەرى پێشووى سوپاى میسر بووە و پلەى فەریقى یەکەمى هەبووە و لە ئێران خۆى شاردوەتەوە.

 

ئەوەش هاتووە، سەیف کە ئاژانسە هەواڵگریەکانى بەریتانیا و ئەمریکا بەدوایدا دەگەڕێن، بووەتە سەرکردەى قاعیدە و دەیەوێت دووبارە داڕشتنەوەیەکىى نوێى بۆ ڕێکخراوەکە بکات.

 

شارەزایەکى بەریتانى بوارى بەرەنگاربونەوەى تیرۆر بە ڕۆژنامەکەى وتووە، بە بەراورد بە زەواهرى، سەیف چالاکترە، تەنانەت لە "ئوسامە بن لادن"یش چالاکترە.

 

بەپێى ڕاپۆرتەکە، "سیف الثأر" ماوەى 30 ساڵ بەشێوەیەکى دیار لە چالاکیەکانى ڕێکخراوى قاعیدە بەشدار بووە، لەلایەن ولایەتە یەکگرتوەکانى ئەمریکاوە 10 ملیۆن دۆلار بۆ پێدانى زانیارى لەسەرى کە ببێتە هۆى کوشتنى یاخود دەستگیرکردنى دانراوە، ئەوەش بەهۆى تەقینەوەکانى باڵێۆزخانەکانى ئەمریکا لە "نەیروبى" و  "دار السلام" لەساڵى 1998، کە بوونە هۆى کوژرانى 224 کەس.

 

"سەیف عەدل" پلەى سەرکردایەتى هەبووە لە یەکەى پاراستنى ڕاستەوخۆى ئوسامە بن لادن لە ئەفغانستان و ناوى "پاسەوانى ڕەش"ى لێنراوە، ئەوەش بەهۆى ڕەنگى ملپێچەکەیەوە، ئەم سەرکردە نوێیەى ڕێکخراەوەکە دەیەوێت پەیوەندیەکانى لەگەڵ داعش و ئێران و تاڵیبان بەهێز بکات.

 

ئەمەش دواى ئەوەدێت، بەپێى زانیاریەکان کۆتایى ساڵى ڕابردوو ئەیمەن زەواهرى بەهۆى نەخۆشى ڕەبوە و بوونى کێشەى هەناسەدان گیانى لەدەستداوە.

 

کۆلۆنێڵ ریچارد کێمپ لە سوپاى بەرتیانیا کە نزیکەى 20 ساڵ چاودێرى "سیف العدل"ى کردوە دەڵێت، لە نێوان ئەو جۆرە گروپانەدا هاریکارى هەیە، بەڵام سەیف خاوەنى ڕێزێکى زۆرە، بۆیە دەبێتە هۆى دروستبونى هاریکارى گەورە و تەنانەت یەکگرتنیش.