گه‌ڕان

Shadow Shadow
سیاسه‌تی

پەرلەمانتارێک: کارگەی ئەلبیسەکەی سلێمانی بە نایاسایی دراوە  بە نۆکان

2021.02.25 - 16:55
App store icon Play store icon Play store icon
پەرلەمانتارێک: کارگەی ئەلبیسەکەی سلێمانی بە نایاسایی دراوە  بە نۆکان

ناس کورد-

 

پەرلەمانتارێکی گۆڕان لە پەرلەمانی کوردستان رایگەیاند، کارگەی ئەلبیسەکەی سلێمانی بە "نایاسایی" و بەشێوەى کرێ دراوەتە کۆمپانیای نۆکان و ڕێگرییان کردووە سەردانی کۆگاکانی کارگەکە بکات.

کەناڵی ناس کورد لە تێلیگرام جۆین بکە   

 

گۆرانی ئینزبات لە لاپەڕەى خۆی لە (فەیسبووک) کە "ناس کورد" بەدواداچوونی بۆ کردووە (25ی شوباتی 2021) ڕایگەیاندووە، وەزارەتی پیشەسازی و بازرگانی لە ساڵی 2008ەوە بۆ ماوەی 25 ساڵ  بە مەبەستی خستنەوە گەڕی کارگەکە بە شێوەیەکی کوالێتی باشتر کارگەکەى داوەتە کۆمپانیای (شێنێ).

 

ئاماژەى بەوەشکردووە،  کۆمپانیایی  شێنێ  تا ئێستا ھیچ کارێکی تێدا ئەنجام نەداوە و  بە نایاسایی  جارێکی دیکە کارگەکەی داوەتەوە بەکرێ بە کۆمپانیای (نۆکان) لە ئێستادا ئەو کۆمانیایە بەکاری دەھێنێت.

 

"لەم سەردانەدا ویستم ناو کۆگاکان بپشکنم بۆ ئەوەی  کە دڵنیابم چی تێدایە  ڕێگریان کردو نەیان ھێشت، ئەوەش لەکاتێکدایە لای خەلکی کوردستان ئاشکرایە کە ئەم کۆپانیایانە کێن لەسەر موڵک و ماڵی گشتی خەریکی بازرگانیین و ھاوسەرۆکەکانیشیان خەریکی قسەی زل و دیعایەی ئارامی  و ئازادی و ھەلی کار ئەکەن".

 

کارگەکە ڕووبەرەکەی 35 دۆنمە موڵکەکەی موڵکی وەزارەتی پیشەسازی و بازرگانیە لە ساڵانی پێش 2008 نزیکەی هەزارو 600 کارمەند لە و کارگەیە کاریانکردوە.

 

 لە ساڵی 2008 کارگەکە داخراو سەرجەم فەرمانبەرانی کارگەکە گوازرانەوە گواستوەتەوە بۆ (زەریبە، تاپۆ، خوێندنی باڵا) ھەندێکیشان نێردرانە ماڵەوە.