گه‌ڕان

Shadow Shadow
سیاسه‌تی

وەک ئامادەکارییەک بۆ هەڵبژاردنى پێشوەختە

عێراق؛ هەڵمەتى کۆکردنەوەى واژۆ بۆ هەڵوەشاندنەوەى پەرلەمان دەستى پێکرد

2021.02.25 - 09:04
App store icon Play store icon Play store icon
عێراق؛ هەڵمەتى کۆکردنەوەى واژۆ بۆ هەڵوەشاندنەوەى پەرلەمان دەستى پێکرد

ناس کورد-

پەرلەمانتارێکى عێراق ئاشکراى دەکات، بەمەبەستى ئامادەکارى بۆ هەڵبژاردنى پێشوەختە دەستیانکردووە بە واژۆ کۆکردنەوە بۆ هەڵوەشاندنەوەى پەرلەمان لەمانگى ئەیلولى داهاتوودا، دەشڵێت، تا ئێستا 21 پەرلەمانتار واژۆى کردووە.

 

کەناڵی ناس کورد لە تێلیگرام جۆین بکە   

 

عەلى بدیرى پەرلەمانتارى عێراق (25ى شوباتى 2021) لەلێدوانێکیدا بۆ ڕۆژنامەى سەباحى فەرمى کە "ناس کورد" بەدواداچوونى بۆ کردووە ڕایگەیاند، ژمارەیەک لە پەرلەمانتارانى زۆربەى لایەنە سیاسیە جیاوازەکان واژۆیان لەسەر ڕەشنوسى بڕیارێک کردووە و ژمارەکەشیان لەبەرزبونەوەدایە بەتایبەت زۆربەیان لەگەڵ واژۆکەدان ئەوەى کە ڕێگرى کردووە ژمارەکە بگاتە ئاستى پێویست نەبوونى دانیشتنەکانە و سەربارى ژمارەیەک لەپەرلەمانتارانیش لە پارێزگاکانى خۆیان نەگەڕاونەتەوە.

 

ئاماژەى بۆ ئەوەش کرد، دەرکردنى هەر بڕیارێک لەسەر خواستى ژمارەیەک لەپەرلەمانتارە جیاوازەکان بۆ ئەوەیە کە دەنگ بدەن لەسەر هەڵوەشاندنەوەى پەرلەمان لەپێش دەستپێکردنى هەڵبژاردنى پێشوەختە و هەڵوەشاندنەکەش بکەوێتە مانگى ئەیلولەوە ئەوەش بەمەبەستى ئامادەکارییەکان بۆ ئەنجامدانى هەڵبژاردنەکە لەڕێکەوتى 10ى تشرینى یەکەمى ئەمساڵ.

 

بدیرى باسى لەوەش کرد، واژۆکان لەدانیشتنى داهاتوودا تەواو دەبن و هەرکات گەیشتە 60 واژۆ ئەوکات بۆ میدیاکان ڕایدەگەیەنن و دەشبێت مانگى ئەیلولیش پڕۆسەى دەنگدان بۆ یاسای دادگاى فیدراڵیش تەواو ببێت لەگەڵ تێپەڕینى هەندێ پڕۆژە بڕیار کە بۆ هەڵبژاردنەکە پێویستن.

 

بدیرى داواش دەکات، سەرجەم پەرلەمانتاران هەڵوێستى خۆیان لەسەر بەڕێوەچوونى پڕۆسەکە لەمیدیاکانەوە دەرببڕن و ڕاستگۆى ئەوانیش بۆ بەڕێوەچوونى هەڵبژاردنەکە لە واژۆکردنى ڕەشنوسى ئەو بڕیارەدا دەردەکەوێت.