گه‌ڕان

Shadow Shadow
سیاسه‌تی

وردەکاریى

پێشبینیەکان بۆ بەرزبوونەوەى نرخی حەوت کاڵای خۆراکی لەبازاڕەکان

2021.02.24 - 23:13
App store icon Play store icon Play store icon
پێشبینیەکان بۆ بەرزبوونەوەى نرخی حەوت کاڵای خۆراکی لەبازاڕەکان

ناس کورد-

پێشبینی دەکرێت حەوت کاڵای خۆراکیی کە بریتین لە شەکر،گەنم،برنج، گەنمە شامی، ڕۆنی خورما، ڕۆنی سویا وکاکاو لەسەرەتای مانگی ئازاری داهاتوودا نرخەکانیان ڕوو لە بەرزی بکەن.  

 

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتێکی بەرهەمە خۆراکییە جیهانیەکان کە یەکێتی پیشەسازییەکانی میسر دەریکردووە( 23ی شوباتی 2021) و"ناس کورد" بەدواداچوونی بۆکردووە،" پێشبینی دەکرێت نرخی شەکر، گەنم، برنج، گەنمە شامی، ڕۆنی خورما، ڕۆنی سویا و کاکاو لە سەرەتای مانگی ئازاری داهاتوودا نرخەکانیان زیاتربەرزبێتەوە".

 

ڕاپۆرتەکە ئاماژەی بەوەکردووە، "لەمانگی کانوونی دووەمی ڕابردوودا نرخی تۆنێک لە شەکری سپی پوختکراو بۆ 446.30 دۆلار بەرزبووەتەوە، ئەوە لەکاتێکدایە کە لە مانگی کانوونی یەکەمی 2020 دا نرخی تونێک لەو کاڵایە لە بۆرسەی جیهانی بە 402.53 دۆلار بووە".  

 

ئەوەشخراوەتە ڕوو،"بەگوێرەی ناوەندی زانیاری بۆرسەی لەندەن، پێشبینی دەکرێت تا مانگی ئایاری داهاتوو نرخی شەکر زیاتر بەرزببێتەوە".

 

ئاماژە بەوەشکراوە، "نرخی شەکری خاو لە مانگی کانوونی دووەمی ڕابردوودا  بەشێوەیەکی بەرچاوە بەرزبوونەوەی تۆمارکردووە  بەجۆرێک هەر تۆنێک بە  350.98 دۆلار مامەڵەی پێوە کراوە، بە بەراورد بە مانگی کانوونی یەکەمی ڕابردوو کە نرخەکەی نزیکەی 323,42 دۆلار بووە".