گه‌ڕان

Shadow Shadow
سیاسه‌تی

وردەکاریى

نەخشە ڕێگەى وەزارەتی شارەوانی هەرێم بۆ گۆڕینی ماستەر پلانی شار و شارۆچكەكان 

2021.02.24 - 22:45
App store icon Play store icon Play store icon
نەخشە ڕێگەى وەزارەتی شارەوانی هەرێم بۆ گۆڕینی ماستەر پلانی شار و شارۆچكەكان 

ناس کورد-

وەزیری شارەوانی و گەشتوگوزار ڕایگەیاند، ئەوان مامەڵە لەگەڵ سێ جۆر ماستەرپلانی شار و شارۆچكەكان دەكەن و هەندێك لە ماستەر پلانەكانیش پێویستیان بە چاکسازی هەیە و لە ئێستاشدا سەرقاڵی ئامادەكردنی نەخشەڕێگەیەكن بۆ چاكسازیكردن لەو بابەتەدا.

 

کەناڵی ناس کورد لە تێلیگرام جۆین بکە   

 

وەزارەتی شارەوانی و گەشت و گوزار (24ی شوباتی 2021) لە ڕاگەیەندراوێکدا کە وێنەیەکی دەست "ناس کورد" کەوتووە، ڕایگەیاند، ساسان عەونی وەزیری شارەوانی و گەشتوگوزار جەختی لەوەکردووەتەوە کە مامەڵە لەگەڵ سێ جۆر ماستەرپلاندا دەكەن و یەکەمیان ئەو ماستەرپلانانەن بۆ شار و شارۆچكەكان جێبەجێكراون، بەشێكی دیكەیان ئەو ماستەرپلانانەن چوونەتە قۆناغی جێبەجێكردنەوەوە، بەڵام تەواو نەكراون، بەشێكی دیكەش پەیوەندی بە شار و شارۆچكەكانەوە هەیە كە تا ئێستا ماستەرپلانیان نییە و لە هەر سێ جۆریشیاندا گرفتی جۆراوجۆر هەن.

 

لەبارەی گۆڕین و ئەبدێتكردنەوەی ماستەرپلانەكان، وەزیری شارەوانی و گەشتوگوزار وتویەتی "ئەو ماستەرپلانانەی تەواو كراون و چوونەتە بواری جێبەجێكردنەوەوە، تێیاندایە ماوەی 10 ساڵ زیاتر بەسەر جێبەجێكردنیاندا تێپەڕیوە و ئێستاش پێویستییان بە گۆڕانكاری و چاكسازی هەیە و بۆ ئەوەش ئێستا بەڕێوەبەرایەتیی نەخشەدانانی ئاوەدانی بایەخ بەو بابەتە دەدات و خەریكی ئامادەكردنی نەخشەرێگایەكن بۆ ئەوەی پێشكەش بە سەرۆكی ئەنجوومەنی وەزیرانی بكەین، چونكە بابەتی دانانی ماستەرپلان بودجەی تایبەتی پێویستە و ئەو بودجەیەش ئێستا لە دەسەڵاتی وەزارەتی شارەوانی و گەشتوگوزاردا نییە.

 

ساسان عەونی لەبارەی گۆڕینی رەگەزی زەوی، ئاماژە بەوە دەكات كە بە لەبەرچاوگرتنی پێداویستی تاكەكان و فراوانی شارەكان، گۆڕینی رەگەزی زەوی بە یاسا رێكخراوە و یاسای بەڕێوەبردنی شارەوانییەكانیش رێگە بە گۆڕینی رەگەزی زەوی دەدات و ئەو دەسەڵاتەش دراوەتە ئەنجوومەنەكانی شارەوانی كە بەپێی پێداویستی و فراوانبوونی شارەكان بۆ بەكارهێنانی زەوی ئەو دەسەڵاتە هەیە بۆ گۆڕینی رەگەزی زەوی.