گه‌ڕان

Shadow Shadow
سیاسه‌تی

زانیارى زیاتر

عێراق؛ توشبوونى 300 منداڵ بە کۆرۆنا گۆڕاوەکە پشتڕاست کرایەوە

2021.02.24 - 21:53
App store icon Play store icon Play store icon
عێراق؛ توشبوونى 300 منداڵ بە کۆرۆنا گۆڕاوەکە پشتڕاست کرایەوە

ناس کورد-

وەزیری تەندروستی و ژینگەی عێراق ڕایگەیاند، زیاتر لە 300 منداڵی خوار تەمەن 14ساڵان وەک توشبووی ڤایرۆسە گۆڕاوەکەی کۆرۆنا لەلایەن فەرمانگە تەندروستییەکانی وڵاتەکەیەوە تۆمارکراون، جەختیشکردەوە، لەئایندەیەکی نزیکدا ڤاکسینی دژە پەتای کۆرۆنا دەگاتە وڵات.

 

کەناڵی ناس کورد لە تێلیگرام جۆین بکە   

 

حەسەن تەمیمی، وەزیری تەندروستی و ژینگەی عێراق (24ى شوباتى 2021) لە میانەی کۆنگرەیەکی ڕۆژنامەوانیدا کە" ناس کورد" بینویەتی ڕایگەیاند، فەرمانگە تەندروستییەکانی سەر بە وەزارەتەکەمان زیاتر لە 300 حاڵەتی توشبوون بە ڤایرۆسە گۆڕاوەکەی کۆرۆنایان لەنێوان منداڵانی خوار تەمەن 14 ساڵان تۆمار کردووە".

 

تەمیمی، جەختیلەوەشکردەوە "ڕێکارەکانی تایبەت بەدەستخستنی ڤاکسینی دژە پەتای کۆرۆنا تەواو بووە و بڕیارە بەمزوانە ڤاکسینەکە بگاتە کۆگاکانی وەزارەتی تەندروستی".

 

لە کۆنگرە ڕۆژنامەوانییەکەدا، وەزیری تەندروستی داوای لە هاوڵاتیانی عێراق کرد لەم دۆخە تەندروستییە نالەبارەدا زیاتر پابەندی ڕێکارەکانی بەرگرتن بن لە نەخۆشییەکە و سەرپێچی رێنماییەکانی قەدەغەی هاتوچۆ نەکەن.

 

وتەکانی حەسەن تەمیمی لەکاتێکدایە کە ئەمڕۆ (چوارشەممە، 24ی شوباتی 2021) وەزارەتى تەندروستی عێراق راگەیەندراوێکى لەبارەى دۆخى کۆرۆنا لە 24 کاتژمێرى رابردوو بڵاوکردەوە کە تیایدا توشبوون و گیانلەدەستدان ژمارەیەکى پێوانەیى تۆمارکرد. 

 

بەگوێرەی ڕاگەیەندراوەکە کە وێنەیەکى دەست "ناس کورد" کەوتووە ئاماژە بەوە کراوە "لە 24 کاتژمێرى رابردوودا لە تاقیگەکانى شارەکانى عێراق وهەرێمى کوردستان 4306 توشبووى نوێ تۆمارکراوە و 2110 توشبوو چاکبوونەتەوە و 13 توشبوویش گیانیانلەدەستداوە".