گه‌ڕان

Shadow Shadow
سیاسه‌تی

’’بایکۆتی بکەن’’

عەدنان عوسمان داوایەک لە یەکێتی و گۆڕان دەکات

2021.02.24 - 12:15
App store icon Play store icon Play store icon
عەدنان عوسمان داوایەک لە یەکێتی و گۆڕان دەکات

ناس كورد-

عەدنان عوسمان، سکرتێری پێشووی جڤاتی نیشمانی گۆڕان داوادەکات "با یەکێتی و گۆڕان هەڵوێستیان هەبێت و بایکۆتی ئەنجومەنی وەزیران بکەن."

 

کەناڵی ناس کورد لە تێلیگرام جۆین بکە   

 

عەنان عوسمان لە تویتێکیدا کە "ناس کورد" بەدواداچوونی بۆ کردووە (24ی شوباتی 2021) دەڵێت، "ئەو رەشبگیریەی بادینان تەنها یەک خوێندنەوەی هەیە: پارتی لەسنوری قەڵەمڕەوی خۆیدا رێگا بەناڕەزایەتی و خۆپیشاندان و ئۆپۆزسیۆن نادات. باقی شتەکان دەستکرد وروکەشن.ئەو دوو حزبە دەبێ راشکاوانەو ئازایانە هەلوێست وەربگرن".

me_ga.php?id=2689

 

ڕۆژی 17ی کانونی دووەمی 2021، عەدنان عوسمان دەستى لەکارکێشایەوە و هۆکارەکەشى بۆ "نەبوونى هیچ پڕۆژە و پێشنیازێک" لەناو بزوتنەوەکە گێڕایەوە.

 

عەدنان عوسمان لە نامەى دەستلەکارکێشانەوەیدا کە کۆپیەکى دەست "ناس کورد" کەوتووە ئاماژەى بەوەکردووە، "دواى ساڵێک لە کارکردن هیچ هەنگاوێکى گەورە نەنراوە و نانرێت، گۆڕان لە حاڵەتێکى متبوونى ترسناکدایە".

 

ئاماژەى بەوەشکردووە، "لە ئێستادا جگە لە کات بەرێکردن هیچ ئاسۆیەکى تر لە کارى خانەى راپەڕاندن نابینم، ئەو هیوایەى بەشێکى بەرچاوى هەڵسوڕاوان هەیان بووە وا خەریکە دەبێتە سەراب".