گه‌ڕان

Shadow Shadow
سیاسه‌تی

بزانە مەرجەکە چییە

هونەرمەندێک وێنەی منداڵی سزادراوێکی بادینان پێشکەش بە دادوەرەکە دەکات بەڵام بە مەرجێک

2021.02.19 - 12:00
App store icon Play store icon Play store icon
هونەرمەندێک وێنەی منداڵی سزادراوێکی بادینان پێشکەش بە دادوەرەکە دەکات بەڵام بە مەرجێک

ناس کورد-

هونه‌رمه‌ندێكی كورد وێنه‌ی ئه‌و منداڵه‌ ده‌كێشێت كه‌ باوكی به‌ شه‌ش ساڵ زیندانی سزا درا و دەڵێت، "ئه‌و وێنه‌یه‌ پێشكه‌ش ده‌كه‌م به‌و دادوەرەی ئه‌و بڕیاره‌ی ده‌ركرد، "به‌ڵام ده‌بێت له ‌ژووری میوانه‌كه‌یدا هه‌ڵیواسێت."

کەناڵی ناس کورد لە تێلیگرام جۆین بکە   

 

هونەرمەندی وێنەکێش محه‌مه‌د ئیسماعیل كه‌ وێنه‌كه‌ی كێشاوه‌ و له‌ وڵاتی هۆڵه‌ندا ده‌ژی ده‌ڵێت، "ئه‌م پۆرترێته‌ بۆ فرۆشتن نییه‌، بۆ مۆزه‌خانه‌ش نییه‌، گه‌ر قبوڵی بكات ئاماده‌م ئه‌م كاره‌ ھونه‌ریه‌م پێشكه‌ش به‌و حاكمه‌ بكه‌م كه‌وا شه‌ش ساڵ حوكمی به‌سه‌ر باوكی ئه‌و منداڵه‌دا سه‌پاند .... به‌مه‌رجێك نابێ فڕێیی بدات، هه‌روه‌ها نابێت پێشكه‌شی كه‌سێكی تری بكات، پێم خۆشه‌ له‌ ژووری میوان یان له‌ نوسینگه‌كه‌ی خۆی ھه‌ڵیبواسێت بۆ ئه‌وه‌ی ھه‌موو ڕۆژێك فرمێسكی ئه‌و منداڵه‌ به‌رچاوی بكه‌وێت، بڵێت من ھۆكاری گریاندنی ئه‌و منداڵه‌بووم."

 

ده‌شڵێت، "من سه‌ر له‌ بابه‌تی یاسایی و دادگا ده‌رناكه‌م، من ھونه‌رمه‌ندم، ته‌نها فرمێسك و گریانی ئه‌و منداڵه‌ زۆر كاریلێكردم، بۆیه‌ بڕیاری دروستكردنی ئه‌م پۆرترێته‌م دا، چونكه‌ ھه‌ست ده‌كه‌م فرمێسكی ئه‌و منداڵه‌ گوزارشت له‌ هه‌نیسك و گریانی ھه‌زاران منداڵی بێنازی كورد ده‌كات."

May be an image of 1 person

نێچیرڤان بارزانی، سەرۆکی هەریمی کوردستان ڕاگەیەنراوێکی لەبارەی سزادانی پێنج دەستگیرکراوەکەی سنوری بادینان بە شەش ساڵ زیندانیکردن بڵاوکردەوە و ڕایگەیاند، ئەوە دوا بڕیار نییە.

 

لە ڕاگەیەنراوەکە، نێچیرڤان بارزانی دەڵێت، "ڕۆژی‌ سێشه‌ممه‌ (18ی شوباتی 2021) بڕیاری دادگا بۆ سزادانی چەند ڕاگیراوێک نيگه‌رانى دروست کردووە، بەڵام ئەوە دوا بڕیار نییە. بەپێی یاسا، مافى سزادراوانه‌ تانە لە بڕیاره‌كە بده‌ن، دادگای پێداچوونەوەش ئەرکیەتی بە پشتبەستن و ڕێزگرتن لە یاسا و مافەکانی مرۆڤ و مافی یاسایيی سکاڵالێکراو و سکاڵاکار، بە کەیسه‌كه‌دا بچێتەوە تا هەمووان هەست بکەن وەک یەک مافيان پارێزراوە."

 

"لای خۆمانەوە چاودێريی ئەو پرسە دەکەین، جەخت لە سەروەریی یاسا و ڕێزگرتن لە سەربەخۆیيی بڕیاری دادگا و لە پرەنسیپەکانی مافی مرۆڤ دەکەینەوە. دەبێت یاسا سەروەر بێت و هیچ لایەن و کەسێک مافی دەستوەردانیان لە کاروباری دادگادا نییە"، نێچیرڤان بارزانی وا دەڵێت.

 

سەرۆکى هەرێمی کوردستان جەختی کردووەتەوە کە "گەلی كوردستان هه‌رگيز پاشەکشە لە ئازادی ناكات، ڕێگەش نادرێت ئازادى بۆ لەباربردنی خودی ئازادی، خراپ بەکار بهێنرێت. پاراستن و چەسپاندن و پەرەپێدانی ئازادی و دیموکراسی، بريتييه‌ له‌ سەروەريی یاسا و سەربەخۆیيی دادگا، سەربەخۆیيی دادگاش لە چۆنیەتيی کاری دادگا و دادوەرانەوە دەبینرێت. دادگا و دادوەرانى به‌ڕێز دەبێت شکۆی سەربەخۆییى خۆيان لەپێناو سه‌روه‌ريى یاسادا بپارێزن، تا شکۆی مرۆڤ و شکۆی وڵات لە سایەی شکۆی یاسادا پارێزراو بێت."