گه‌ڕان

Shadow Shadow
سیاسه‌تی

زانیارى زیاتر

پێشبینى هاتنى شەپۆلێکى بەفر و باران بۆ شارەکانى هەرێمى کوردستان 

2021.02.17 - 22:11
App store icon Play store icon Play store icon
پێشبینى هاتنى شەپۆلێکى بەفر و باران بۆ شارەکانى هەرێمى کوردستان 

ناس کورد-

شارەزایەکی بواری کەشناسی لەهەرێمی کوردستان، پێشبینی دەکات سبەی ( پێنجشەممە) شەپۆلێکی مامناوەندی دیکەی دابارین ناوچە جیاجیاکانی هەرێم بگرێتەوە، ئاماژەش بەوە دەکات "شەپۆلەکە  سەرەتا بەدابارینى بچربچر دەستپێدەکات و دواتریش ئەگەری بەفربارین لە ناوچە شاخاوییەکاندا و سەنتەری چەند قەزایەکی لێدەکەوێتەوە".   

 

کەناڵی ناس کورد لە تێلیگرام جۆین بکە   

 

ئاراس جەبار، شارەزای بواری کەشناسی (17ی شوباتی 2021) لەمیانەی بڵاوکردنەوەی بابەتێک لە هەژماری خۆی لە فەیسبوک کە"ناس کورد" بینویەتی ئاماژەى بەوە کرد "شەپۆلێکی دیکەی مامناوەندی بارانبارین و بەفربارین ناوچەکانمان دەگرێتەوە بە کاریگەری بارستە ھەوایەکی سارد کە چالاکییەکی مامناوەندی ناو بەناوی بای لەگەڵدا دەبێت".

 

شارەزاکەی بواری کەشناسی ئاماژەی بەوەشکردووە "سەرەتا دابارینەکە لەسنوریی پارێزگاکانی دھۆک، ھەولێر و ئیدارەی راپەرین دەستپێدەکات کە بەشێوەی بارانبارینی پچرپچر وھەورە بروسکە دەبێت و بارینی بەفریش لەناوچە شاخاوییەکان و سەنتەری بەشێک لە قەزا و ناحیەکان دەبارێت کە بەرزیان لەسەر ڕووی دەریاوە لە 900 مەتر زیاترە".

 

 بەگوێرەی پێشبینییەکانی ئەو کەشناسە، رێژەی بارانبارین لەو ناوچانەدا لەنێوان 5-20ملیمەتر دەبێت و رێژەی دابارینی بەفریش لەنێوان 2-15 سەنتیمەتر دەبێت و لەکاتەکانی شەودا کاریگەریەکی کەمدەبێتەوە".

 

پێشبینی ئەوەشی کردووە "بەفربارین لەسەرجەم ناوچە شاخاوییەکانی سنورەکەدا و سەنتەری زۆرێک لە قەزا و ناحیەکانی ناوچەکە کە زیاتر لە 900مەتر لە ئاستی رووی دەریا بەرزن و لە بەرزاییەکانی شاری سلێمانی ببارێت، ڕێژەی بارانبارین لە نێوان 4-10 ملیمەتر ببێت و ڕێژەی دابارینی بەفریش لە نێوان 2-6 سەنتیمەتر زیاتر دەبێت".