ناس کورد-
پۆلیسی هەولێر ڕایگەیاند، شەوی ڕابردوو لە سەر ڕێگای نوێی دهۆک و لە نزیک گوندی بەهەشتر تەرمێک دۆزرایەوە و دەرکەوت کەسەکە کوژراوە.
کەناڵی ناس کورد لە تێلیگرام جۆین بکە
هۆگر عەزیز، وتەبێژی پۆلیسی هەولێر لە لێدوانێکدا بۆ "ناس کورد" ڕایگەیاند، ئەو کەسەی کوژراوە ناوی (ش. ف. ک) تەمەنی 35 ساڵە و خەڵکی هەولێرە و خاوەنی سێ منداڵە و لەلایەن هاوڕێیەکیەوە کوژراوە و دواتر تاونبارەکە هەڵاتووە و تاوەکو ئێستا دەستگیرنەکراوە.
باسی لەوەشکرد، دوای لێکۆڵینەوە دەرکەوتووە ئەوکەسەی کوژراوە بە فیشەکی جۆری دەمانچە بووە و لە سەری دراوە، لە ئێستادا لێکۆڵینەوە لە ڕووداوەکە بەردەوامە و کەسی تۆمەتباریش ناسراوەتەوە بەڵام تاوەکو ئێستا دەستگیر نەکراوە.
