گه‌ڕان

Shadow Shadow
سیاسه‌تی

دوایین پۆستی پەیجەکەی بارەگای بارزانی خەڵات کردنی چەند گەنجێکە لەسەر رزگارکردنی بزنە کێویەک

هێشتا مەسعود بارزانی پیرۆزبایی لە برازاکەی نەکردووە کە بووەتە جێگرەوەی خۆی

2019.05.28 - 22:55
App store icon Play store icon Play store icon
هێشتا مەسعود بارزانی پیرۆزبایی لە برازاکەی نەکردووە کە بووەتە جێگرەوەی خۆی

کەناڵی ناس کورد لە تێلیگرام جۆین بکە   

ناس کورد مەسعود بارزانی سەرۆکی پارتی دیموکرات و سەرۆکی پێشوی هەرێمی کوردستان تا ئێستا پیرۆزبایی لە نێچیرڤان بارزانی سەرۆکی هەڵبژێردراوی هەرێم نەکردووە. ئەمڕۆ سێشەممە 28ی ئایاری 2019 بە دەنگی 68 پەرلەمانتار لە فراکسیۆنەکانی گۆڕان و پارتی و کەمە نەتەوایەتیەکان، نێچیرڤان بارزانی وەک سەرۆکی هەرێم هەڵبژێردرا. لە دوای هەڵبژاردنی وەک سەرۆکی هەرێم میدیای نزیک لە نێچیرڤان پەیامەکانی پیرۆزبایی کەسایەتی و ناوەندە سیاسیە جیهانی، عێراقی و ناوخۆییەکان بڵاودەکەنەوە لەوانە وەزارەتی دەرەوەی ئەمریکا، سەرۆکی ئەنجومەنی وەزیرانی عێراق. بە پێی بەدواداچونەکانی ناس کورد تا ئامادەکردنی ئەم هەواڵە (شەوی سێشەممە 28ی ئایاری 2019) هیچ پەیامێکی مەسعود بارزانی سەرۆکی پارتی دیموکرات لە ناوەندە فەرمیەکانی حزبەکەی و بارەگاکەی بڵاو نەکراوەتەوە. بەهەمان شێوە مەسرور بارزانی کوڕە گەورەی مەسعود بارزانی هیچ پەیامێکی پیرۆزبایی ئاڕاستەی ئامۆزاکەی نەکردووە. پەیجی فەرمی بارەگای بارزانی کە چالاکیەکانی مەسعود بارزانی سەرۆکی پارتی بڵاودەکاتەوە دوایین پۆستی کە چەند کاتژمێرێک دوای هەڵبژاردنی نێچیرڤان بارزانی بڵاویکردوەتەوە باس لە رێزگرتن یەکێک لە کوڕەکانی مەسعود بارزانی  بە ناوی مەلا مستەفای بارزانی دەکات لە ژمارەیەک گەنج دەکات کە ئاژەڵێکی کێویان لە مردن رزگار کردووە. [caption id="attachment_87569" align="alignnone" width="484"] دوایین پۆستی پەیجی فەرمی بارەگای بارزانی لەدوای هەڵبژاردنی سەرۆکی نوێی هەرێم[/caption] مەسعود بارزانی لە دوای روداوەکانی 16ی ئۆکتۆبەر لە ژێر فشاری ناوخۆیی و دەرەکیدا دەستی لە پۆستەکەی هەڵگرت و دامەزراوەی سەرۆکایەتی هەرێم بۆ ماوەیەک هەڵپەسێردرا.