گه‌ڕان

Shadow Shadow
سیاسه‌تی

زانیاری زیاتر

ئەردۆغان: لەو شوێنانە دەمێنینەوە کە چووینەتە ناوی

2021.02.16 - 17:19
App store icon Play store icon Play store icon
ئەردۆغان: لەو شوێنانە دەمێنینەوە کە چووینەتە ناوی

ناس کورد-

ڕەجەب تەیب ئەردۆغان، سەرۆک کۆماری تورکیا لەبارەى ئۆپراسیۆنەکانیان لە هەرێمی کوردستان و بە تایبەت چیای گارە ڕایگەیاند، "لەو شوێنانەی کە کردومانەتە ناوچەی ئارام، چەندێک پێویست بکات ئەوەندە دەمێنینەوە".

کەناڵی ناس کورد لە تێلیگرام جۆین بکە   

 

ئەردۆغان لە میانی بەشداریکردنی لە حەوتەمین کۆنگرەی ئاسایی پارتەکەیدا لە پارێزگای ترابزۆن وتارێکی پێشکەش کرد و وتی، "بۆ ئەوەی جارێکی دیکە رووبەڕووی پەلاماری لەو شێوەیە نەبینەوە، لەو شوێنانەی کە کردومانەتە ناوچەی ئارام، چەندێک پێویست بکات ئەوەندە دەمێنینەوە".

 

وتیشی، ''گارە ناوچەیەکی گرنگ و کێشەدار بوو و گارە کەوت، پشتیوان بەخوا کارەکە تەواوبوو''.

 

ئەردۆغان جەختی کردەوە کە ''لە قۆناغی داهاتوودا، ئۆپەراسیۆنەکانمان کە مەودایەکی باشیان بڕیوە بەرەو ئەو ناوچانە فراوان دەکەین کە هێشتا تیایاندا هەڕەشە زۆرە''.

 

ڕاشیگەیاند، "له‌ به‌رامبه‌ر رووداوی كوشتنی 13 بێتاوان جگه‌ له‌ چه‌ند ده‌نگێكی كز هیچمان نه‌بیست. ئه‌ی رۆژئاوا له‌ كوێی؟".

 

لەبارەى پەکەکەوە، ڕەجەب تەیب ئەردۆغان وتی، ''دەچنە هەر لانەیەکەوە با بچن، بچنە هەر لانەیەکەوە دەیاندۆزینەوە و لەناویان دەبەین''.

 

هاوکات خولوسی ئاکار، وەزیری بەرگریی تورکیا ڕایگەیاند: ''ئۆپەراسیۆنەکانمان دژبە پەکەکە کە لە باکووری عێراق ھەوڵی درێژەدان بە بوونی دەدات، بێ وچان بەردەوام دەبێت''.

 

هەفتەی ڕابردوو لە میانەى پرۆسەکانى "چنگى هەڵۆ - 2"ى سوپاى تورکیا بۆ سەر چیاى گارە لە پارێزگاى دهۆک، 13 ديلى تورکیا کە لاى پەکەکە بوون کوژران، ئەنقەرە پەکەکە بە کوشتنیان تۆمەتبار دەکات و پەکەکەش دەڵێت "ئەو دیلانە لە بۆردومانى فڕۆکەکانى تورکیادا کوژراون".