گه‌ڕان

Shadow Shadow
سیاسه‌تی

هۆشدارییەک لە هاوپەیمانێتییەکەى عەبادییەوە لەبارەى هێرشەکەى هەولێر

2021.02.16 - 11:08
App store icon Play store icon Play store icon
هۆشدارییەک لە هاوپەیمانێتییەکەى عەبادییەوە لەبارەى هێرشەکەى هەولێر

ناس کورد-

هاوپەیمانى نەسر بەسەرۆکایەتى حەیدەر عەبادى هێرشەکەى هەولێر بە پێشێلکارى بۆ سەروەرى عێراق ناودەبات و هۆشداریدەدات لە تێکەڵکردنى کارتەکان.

کەناڵی ناس کورد لە تێلیگرام جۆین بکە   

 

هاوپەیمانى نەسر لە بەیاننامەیەکدا کە وێنەیەکى دەست "ناس کورد" کەوتووە، ئیدانەى هێرشەکەى سەر هەولێرى کردووە و داواى لێکۆڵینەوەى بەپەلە و شەفافى کردووە بۆ ئاشکراکردنى هێرشکاران.

 

هاوپەیمانێتییەکە هەروەها هۆشداریداوە لە تێکەڵکردنى کارتەکان و شێواندنى دۆخەکە، داواشى لەسەرکردەکانى وڵات و هێزە ئەمنییەمان کردووە دۆخەکە کۆنتڕۆڵ بکەن لەسەر بنەماى بەرژەوەندى باڵاى وڵات.

 

شەوى رابردوو 14 موشەک ئاڕاستەى هەولێر کرا و بەهۆیەوە بەڵێندەرێکى هاوپەیمانان کوژرا و نۆ کەسى دیکەش برینداربوون کە بەشێکیان ئەمریکین.

 

تا ئێستا هێزە ئەمنییەکانى هەرێم بەفەرمى هیچ گروپێکیان بەئەنجامدانى هێرشەکە تۆمەتبار نەکردووە، بەڵام شەوى رابردوو گروپی "سرایا أولیاء الدم" كە تاقمێكی چەكدارە و خۆی بەخاوەنی خوێنی سولەیمانی و ئەبومەهدی موهەندیس دەزانێت بەرپرسیارێتی خۆی لە هێرشە موشەكییەكە ڕاگەیاند.