گه‌ڕان

Shadow Shadow
سیاسه‌تی

زانیاری زیاتر

دهۆک؛ ڕۆژێک پێش ئاهەنگی هاوسەرگیرییەکەی کچێک خۆی خنکاند

2021.02.15 - 15:29
App store icon Play store icon Play store icon
دهۆک؛ ڕۆژێک پێش ئاهەنگی هاوسەرگیرییەکەی کچێک خۆی خنکاند

ناس کورد-

لە قەزای بەردەڕەشی سەربە پارێزگای دهۆک کچێکی تەمەن 20 ساڵ خۆی خنکاند و پۆلیسیش دەڵێت، کچەکە لە ئامۆزایەکی خۆی مارە بڕدرابوو و بڕیاربوو سبەینێ بگوازرێتەوە، بەڵام بەهۆی ئەوەی کوڕەکەی بەدڵ نەبووە خۆی کوشتووە.

کەناڵی ناس کورد لە تێلیگرام جۆین بکە   

 

سەرچاوەیەکی ئاگادار لە بەڕێوەبەرایەتی پۆلیسی بەردەڕەش (دووشەممە 15ی شوباتی 2021) بە "ناس کورد"ی ڕاگەیاند، "ئەمڕۆ لە لە گوندی قادسییە لە قەزای بەردەڕەشی سەر بە پارێزگای دهۆک کچێکی تەمەن 20 ساڵ خۆی هەڵواسی و خۆی خنکاند."

 

وتیشی، " ئەو کچە تاقانە بووە، ڕووداوەکەش بەهۆی ئەوە بووە کە لە ئامۆزایەکی خۆی مارە بڕدرابوو، بەڵام کچەکە بەدڵی نەبووە و لەژێر فشار و بە زۆر بە شوو دراوە  ."

 

ئاماژەی بەوەشکرد، "بڕیاربووە سبەینێ کچەکە بگوازرێتەوە، بەڵام بەهۆی ئەوەی ئەو کوڕەکەی بەدڵ نەبووە، ئامادەنەبووە بیگوازێتەوە و کۆتایی بە ژیانی خۆی هێناوە."

 

بە وتەی ئەو سەرچاوەیە، تەرمی کچەکە ڕەوانەی پزیشکی داد کراوە و تائێستاش هیچ کەسێک لەسەر ڕووداوەکە دەستگیرنەکراوە.