گه‌ڕان

Shadow Shadow
سیاسه‌تی

وردەکاریى

لێدوانى تەندروستى هەرێم لەبارەى بوونى گومانلێکراوى توشبوو بە کۆرۆنای گۆڕاو

2021.02.15 - 14:02
App store icon Play store icon Play store icon
لێدوانى تەندروستى هەرێم لەبارەى بوونى گومانلێکراوى توشبوو بە کۆرۆنای گۆڕاو

ناس کورد- 

بریکارى وەزارەتى تەندروستى حکومەتى هەرێمى کوردستان رایگەیاند، گومانلێکراوى توشبوو بە ڤایرۆسى کۆرۆنای گۆڕاو لە هەرێمى کوردستان بوونى هەیە، بەڵام بەهۆى نەبوونى کیتى تایبەتى پشکنینەوە ساغ نەکراوەتەوە. 

 

کەناڵی ناس کورد لە تێلیگرام جۆین بکە   

 

د.ڕەهیڵ فەرەیدون، بریکاری وەزارەتی تەندروستی حکومەتی هەرێمی کوردستان (15ی شوباتی 2021) لە لێدوانێکدا بۆ "ناس کورد" ڕایگەیاند، پێشتر لە چەند پارێزگایەکی عێراق حاڵەتی گوماناوی جۆری گۆڕاوی کۆرۆنا هەبوو بەڵام بەهۆی ئەوەی کیتی پشکنینەکە نەبوو نەتوانراوە ڤایرۆسەکە دەستنیشان بکات و لەئێستادا کە کیتی پشکنینی کۆرۆنای گۆڕا و گەیشتووەتە وەزارەتی تەندروستی حکومەتی فیدراڵ دەرکەوتووە ڤایرۆسەکە بوونی هەیە.

 

 

وتیشى، وەکو هەرێمی کوردستان لە دوای بڵاوبوونەوەی ڤایرۆسی کۆرۆنای گۆڕاو لە پارێزگاکانی عێراق ئامادەکاری دەکەین بۆ ڕێکاری پێویست و لە ڕۆژانی داهاتووش وەکو وەزارەتی تەندروستی کۆدەبینەوە و بڕیاری پێویست دەدەین لەبارەی ڕێکارەکان.

لەبارەی بوونی حاڵەتی گوماناوی لە هەرێمی کوردستان وتی "لەماوەی ڕابردوو چەند حالەتێکی گوماناوی کۆرۆنای گۆڕاو لەهەرێمی کوردستانیش هەبووە بەڵام تاوەکو ئێستا کیتی پشکنین لەبەردەستمان نییە تاوەکو بزانین ئایا ئەوە کۆرۆنای گۆڕاوە یاخود جۆرەکەی پێشترە، بۆ ئەوەش لەئێستادا لە هەوڵداین لە ڕێگەی حکومەتی فیدراڵییەوە بێت یاخود وڵاتانی دیکە کیتی تایبەت بە دەستنیشانکردنی کۆرۆنای گۆڕاو بهێنرێتە هەرێمی کوردستان.

 

سەبارەت بە ئەگەری بڵاوبوونەوەی کۆرۆنای گۆڕاو و راگرتنى دەوامى قوتابخانەکان و سەرلەنوێ کەرەنتینەکردن، بریکاری وەزارەتی تەندروستی ئاشکرای کرد، لە ئەگەری بڵاوبوونەوەی کۆرۆنای گۆڕاو یاخود هەڵکشانی کۆرۆنای پێشتریش بێگومان وەکو وەزارەتی تەندروستی کۆبوونەوەمان دەبێت و بڕیاری پێویست دەدەین.

 

لێدوانەکە لە کاتێکدایە کە پێشتر وەزیری تەندروستی عێراق ڕایگەیاند، جۆرە نوێیەكەی كۆرۆنا لە عێراق تۆماركراوە و تیمی تەندروستی لەشارەكانی عێراق بڵاوكراونەتەوە بۆ پشكنین و بەدواداچوون.

    

 حەسەن تەمیمی، وەزیری تەندروستی عێراق لەمیانەى ئەنجامدانى کۆنگرەیەکى ڕۆژنامەوانیدا کە "ناس کورد" بەدواداچوونی بۆ کردووە (15ی شوباتی 2021) وتی "یەكەم حاڵەتی توشبوون بە كۆرۆنای گۆڕاوی نوێ لە عێراق تۆماركراوە و داوا لە هاوڵاتیان دەكەین زۆر وریای خۆیان بن دوای دەركەوتنی جۆرە نوێیەكەی كۆرۆنا".  

 

وەزیری تەندروستی ڕاشیگەیاند، جۆرە نوێیەكە ئەگەری هەیە توشی منداڵیش ببێت و چەند حاڵەتێك تۆماركراون، جەختی لەوەشکردووەتەوە، هەموو توانایەك دابین كراوە بۆ بەرەنگاربوونەوەی پەتاكە.