گه‌ڕان

Shadow Shadow
چیرۆكه‌كانمان

ڕۆشنبیری عێراق كار دەكات بۆ ئەوەى لالش بخاتەی لیستی شوێنەواری جیهانییەوە

2019.05.28 - 17:40
App store icon Play store icon Play store icon
ڕۆشنبیری عێراق كار دەكات بۆ ئەوەى  لالش  بخاتەی لیستی شوێنەواری جیهانییەوە

کەناڵی ناس کورد لە تێلیگرام جۆین بکە   

ناس كورد- فوئاد عەبدوڵا وەزارەتی ڕۆشنبیری عێراق هەوڵەكانی خستۆتە گەڕ بۆ ئەوەى "پەرستگاى لالش" بخاتە لیستى شوێنەوارە جیهانییەکانەوە، ئەوەش بە هاوكاری ڕێكخراوی یونیسكۆ. . باسم زاملی وتەبێژی وەزارەتی ڕۆشنبیری عێراق بە ناس كوردی ڕاگەیاند: "لە مانگی حوزەیرانی داهاتوودا کۆنگرەیەكی فراوانی جیهانی شوێنەوار، لە باكۆی پایتەختی ئازەربایجان ساز دەكرێت، لەوێدا هەوڵدەدەین بە فەرمی ئەوە بخەینە بەردەم ڕێکخراوى یونیسکۆ کە پەرستگای لالش و چەند شوێنەوارێكی دیكەی عێراق بخەینە لیستی شوینەوارەکانى جیهانەوە". .   وتەبێژەکەى وەزارەتى ڕۆشنبیرى ئاماژەى بەوەشکرد، وروژاندنی بابەتى پەرستگاى لالش لەلایەن پەرلەمانتار و كەسایەتییە ئێزدییەکانەوە بووە، کە خراوەتە بەردەم وەزارەتی ڕۆشنبیری عێراق و لە یەكەم وڵامدا یونیسكۆ ئامادەییان دەربڕیوە. .   "لە چاوپێكەوتنەكانمان لەگەڵ ڕێكخراوی شوێنەواری جیهانی یونیسكۆ، جەختمان لە خێراكردنی كارەكان كرد بۆ پێگەیاندنی پرسەكە، بەڵام ئەوان لە بەرنامەیاندایە، سەرەتا ژێرخانی شوێنەواری عێراق بونیاد بنێنەوە، بە كردنەوەی خولی ڕاهێنان بۆ عێراقییەكان، بەمەبەستی دروستكردنەوەی شوێنەوارە تێکچوەکان"، باسم زاملی واى وت. . لالش پەرستگای ئێزدییەکانە و بە شوێنێکى پیرۆز دادەندرێت، بۆنە ئاینییەکانى ئێزدییەکان لەو پەرستگایە بەڕێوەدەچێت. . .