گه‌ڕان

Shadow Shadow
سیاسه‌تی

وردەکاریى

پەرلەمانتارێک بەڵگەى گەیشتنى نەوە نوێکەى کۆرۆنا بە عێراق ئاشکرا دەکات

2021.02.14 - 22:22
App store icon Play store icon Play store icon
پەرلەمانتارێک بەڵگەى گەیشتنى نەوە نوێکەى کۆرۆنا بە عێراق ئاشکرا دەکات

ناس کورد-

ئەندامێکى لیژنەى تەندروستى لە پەرلەمانى عێراق رایگەیاند، سەرجەمى بەڵگە زانستییەکان ئاماژە بە گەیشتنى نەوە نوێکەى کۆرۆنا دەکەن بەعێراق و جەختى کردەوە "نەوە نوێکەى کۆرۆنا بۆتە هۆى هەڵکشانى توشبوون و گیانلەدەستدان بە ڤایرۆسەکە".

 

کەناڵی ناس کورد لە تێلیگرام جۆین بکە   

 

جەواد موسەوى ئەندامى لیژنەى تەندروستى پەرلەمانى عێراق (14ى شوباتى 2021) لە بەیاننامەیەکدا کە وێنەیەکى دەست "ناس کورد" کەوتووە ئاماژەى بەوە کرد، هەموان پێشبینى ئەوەیان دەکرد کە شەپۆلى دووەمى کۆرۆنا لە عێراق ڕوبدات.

 

باسى لەوەشکرد، سەرجەم ئاماژەکان باس لەوە دەکەن کە ماوەى هەفتەیەکە نەوە نوێکەى کۆرۆنا هاتووەتە عێراقەوە و ئەو نەوە نوێیە بووەتە هۆى زیادبونى ژمارەى توشبووان و گیانلەدەستدان.

 

ئەندامەکەى لیژنەى تەندروستى پەرلەمان جەختیلەوەشکردوەتەوە، پشکنین بۆ نەوە نوێکە کراوە بۆ دڵنیابونەوە و ڕۆژى دووشەممە ئەنجامەکەى دەردەچێت و دەردەکەوێت کە نەوەیەک یاخود زیاتر لە یەک نەوە لە عێراقدا هەیە یاخود نا.