گه‌ڕان

Shadow Shadow
سیاسه‌تی

ئامانج لێی گەمارۆدانی خواکورکە

سوپای تورکیا ئۆپراسیۆنی چنگ ی بۆ سەر قەندیل دەستپێکرد

2019.05.28 - 17:15
سوپای تورکیا ئۆپراسیۆنی  چنگ  ی بۆ سەر قەندیل دەستپێکرد
ناس کورد لەشەوى ڕابردووە سوپاى تورکیا بەئامانجى گەمارۆدانى پەکەکە لە قەندیل هێزە تایبەتەکانى لە ناوچەى خواکورک کۆکردووەتەوە چەندین هێرشى ناوبەناویان دژى گەریلاکانى پەکەکە لەو ناوچەیە لەژێر ناوى "ئۆپراسیۆنى چنگ" ئەنجامداوە. . بەگوێرەى زانیارییە بڵاوکراوەکانى میدیاى فەرمى تورکیا ئۆپراسیۆنەکە ناوەندێکى هاوبەشى باڵای بۆ پێکهێنراوە کە لەلایەن وەزیری بەرگریی تورکیا، سەرۆک ئەرکانی سوپا، جەنەراڵ یاشار گولەر و فەرماندەی هێزەکان، لە ناوەندی ئۆپەراسیۆنەکان ڕاستەوخۆ سەرپەرشتى دەکرێت و ناوچەى خواکورکى لەدیوى باشورى کوردستان کردووەتە ئامانج. . ئۆپراسیۆنەکە جگە لەهێزە تایبەتیەکانى تورکیا، هاوکات ئەو هێزانەش تێیدا بەشدارن کە لەناو خاکى هەرێمى کوردستاندان، ئامانجى ئۆپراسیۆنەکەش جگە لەلاوازکردنى "پێگەى پەکەکە و کەمکردنەوەى نفوزیان لەو ناوچانە" هاوکات ئامانجیانە گەمارۆى زیاترى قەندیل بدەن. . ئاژانسى ئەنادۆڵى تورکى لەزاری بەرپرسانى ئۆپراسیۆنەکەوە ئەوەی گواستوتەوە،  له‌ سه‌ره‌تادا له‌ رێگەی تۆپهاوێژەکان و فڕۆکەى پێشکەوتووەوە چەند بارەگایەکى پەکەکە کە پێکهاتوون لە (کۆگاى چەک، ئەشکەوت، پەناگە و حەشارگە) بۆردومانکراون، پاشان لەڕێگەى کۆپتەرەوە هێزى کۆماندۆى تورکى دابەزێنراونەتە ناوچەکە و کێوماڵیان کردووە، لەئێستاشدا سەرقاڵى پوچەڵکردنەوەى ئەو بۆمبانەن پێشتر پەکەکە لەناوچە دایناون. . لە تویتێکدا وەزارەتی بەرگریی تورکیا ئاماژەی بەوەداوە تیمەکانی کۆماندۆ لە ناوچەکە نیشتوونەتەوە و بەردەوامن لە پووچەڵکردنەوەی ئەو مین و بۆمبە دەستکردانەی پەکەکە چاندویانە و هاوکات بنکەو حەشارگەکانیش خاپوور دەکەن. . هەر لەوبارەوە ڕەجەب تەیب ئەردۆغان سەرۆککۆمارى تورکیا لەبارەی ئۆپراسیۆنەکەوە تویتێکى بڵاوکردەوە و "بەسەخت" ناوی برد کە بەووتەى ئەو ئامانج لێى ئەوەیە "پەکەکە چاو نەکاتەو"ە. . میدیاى فەرمى پەکەکە تائێستا هیچ هەواڵێکى فەرمى لەبارەى ئۆپراسیۆنەکەى سوپاى تورکیا بڵاونەکردووەتەوە بەڵام میدیاکانى نزیک لەپەکەکە دەڵێن "تورکیا دەیەوێت گەمارۆى خوارکوک بدات". . بەگوێرەى هەواڵى میدیاکانى نزیک لە پەکەکە، ئۆپراسیۆنى "چنگ" ناوچەکانى (لۆلان و شەکیف، چیاى شەکێف، عەڤدلکۆفى) گرتووەتەوە و هێرشەکە جگە لەهێزە تایبەتەکان، سوپای تورکیا هێزەکانى خۆى لەباشور هێناوەتە ناوچەکەوە بۆ ڕووبەڕوبونەوەى هێزەکانى پارتى کرێکاران "پەکەکە". . هەر بەگوێرەى وتەى ئەو میدیایانە، سوپای تورکیان دەیەوێت لە لای شەکیف، عەڤدلکۆفی و لێلکان ناوچەی خواکورک گەمارۆ بدات، لەنێوان گەریلاکانی هەپەگە و سوپاى تورکیا شەڕ و پێکدادان لە ئارادایە. .