گه‌ڕان

Shadow Shadow
سیاسه‌تی

بەپەلە

راگەیەنراوێک لەیەکێتى یەوە لەبارەى لامەرکەزى و دانوستان لەگەڵ بەغدا

2021.02.14 - 19:11
App store icon Play store icon Play store icon
راگەیەنراوێک لەیەکێتى یەوە لەبارەى لامەرکەزى و دانوستان لەگەڵ بەغدا

ناس کورد-

ئەنجومەنی سەركردایەتی یەکێتى کۆبووەوە و جەختیکردەوە لەسەر جێبەجێکردنى لامەركەزی كارگێڕی و دارایی لەچوارچێوەی هەرێمی كوردستاندا.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى ئەنجومەنەکە کە وێنەیەکى دەست "ناس کورد" کەوتووە، لەکۆبوونەوەکەدا هەروەها سەركۆنەی هەموو جۆرە گرتن و زیندانی كردنێك لەسەر بیروڕای ئازاد و چالاكی سیاسی و مەدەنی كرد بەتایبەت لەدەڤەری بادینان کراوە، بۆیە داوای ئازادكردنی بەپەلەی سەرجەم گیراوان کراوە لە رۆژنامەنوسان، چالاكانی مەدەنی، كادرانی یەكێتی و حزبەكانی تر.

 

سەرکردایەتى یەکێتى هەروەها پشتیوانی بۆ تیمی دانوستاندنی حكومەتی هەرێم لەگەڵ بەغدا دەربڕى، فراکسیۆنەکەشى راسپارد هاوكار و پشتیوانی تیمەكە بێت.



دەقى راگەیەنراوەکە:

 

ئەمڕۆ 2021/2/14 ئەنجومەنی سەركردایەتی بە سەرۆكایەتی هاوسەرۆكان كۆبونەوەی ئاسایی خۆی بەساتێك وەستان بۆ گیانی پاكی شەهیدان دەستپێكرد.

 

سەرەتا هاوسەرۆكان هەَلسەنگاندنێكی وورد و بابەتیانەیان لەبارەی دۆخی سیاسی و ئابوری و هەمەلایەنەی كوردستان و عێراق پێشكەشكرد.

 

ئەنجومەنی سەركردایەتی جەختی لەسەر هەَلوێستی نەگۆڕ و جێگیری یەكێتی كردەوە لەبارەی پرسەكانی:

 

  1. سیستەمی ناناوەندێتی كارگێڕی و دارایی (لامەركەزی) لەچوارچێوەی هەرێمی كوردستاندا.

 

  1. پشتیوانیكردنی تیمی دانوستاندنی حكومەتی هەرێم لەگەڵ حكومەتی ئیتیحادی، هاوكات فراكسیۆنی یەكێتی

لەپارلەمانی عێراق راسپارد كەهاوكار و پشتیوانی تیمەكە بێت.

 

  1. چاككردنی دۆخی گوزەران و ژیانی خەڵكی كوردستان. لەم بارەیەوە رێككەوتن لەچوارچێوەی دەستوری عێراق بۆ بەدەستهێنانی ماف و شایستە داراییەكانی هەرێمی كوردستان لەبودجەی 2021 دا، بەپێویست زانرا.

 

  1. تەئكیدكردنەوە لەسەر پێویستی جێبەجێكردنی ئەركە دەستوری و نیشتمانیەكانی حكومەتی ئیتیحادی و حكومەتی هەرێم لەپاراستنی سەروەری ۆلات و رێگرتن لەپێشێلكارییەكانی سنورەكان، كەپێچەوانەی یاسا نێودەۆلەتییەكان و پرەنسیپی (دراوسێیەتیی باش)ن.

 

  1. سەركۆنەی هەموو جۆرە گرتن و زیندانی كردنێكی لەسەر بیروڕای ئازاد و چالاكی سیاسی و مەدەنی كرد بەتایبەت

لەدەڤەری بادینان، بۆیە داوای ئازادكردنی بەپەلەی سەرجەم گیراوان دەكات لە رۆژنامەنوسان، چالاكانی مەدەنی، كادرانی یەكێتی و حزبەكانی تر.

 

بەشێكی تری كۆبوونەوەكەی ئەنجومەنی سەركردایەتی تایبەت بوو بە كاروبارەكانی حزب و راپۆرتی كۆمیسیۆنەكان. لەم بارەیەشەوە راسپاردەی پێویستیان لەبارەوە وەرگیرا.