گه‌ڕان

Shadow Shadow
سیاسه‌تی

زانیاری زیاتر

سلێمانی؛ کەسێک بەزەبری چەک دوو ژن دەڕفێنێت

2021.02.14 - 10:14
App store icon Play store icon Play store icon
سلێمانی؛ کەسێک بەزەبری چەک دوو ژن دەڕفێنێت

ناس کورد-

بەڕێوەبەرایەتیی پۆلیسی سلێمانی ڕایگەیاند، تۆمەتبارێک لە گەڕەکی قولەڕەیسی شاری سلێمانی دەستگیرکرا کە چوبووە سەر ماڵێک و بەزەبری چەک دوو ژنی ڕفاندبوو.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

لە ڕاگەیەنراوێکدا بەڕێوەبەرایەتی پۆلیسی سلێمانی (یەکشەممە 14ی شوباتی 2021) ڕایگەیاند، " دایکێک سکاڵای تۆمارکرد لە بنکەی پۆلیسی ڕاپەڕین کە کەسێک هاتووەتە سەر ماڵەکەی و بەزەبری چەک دوو کچەکەی ڕفاندووە."

 

ئاماژەی بەوەشکردووە، "دوای وەرگرتنی بڕیاری دادوەر بنکەی پۆلیسی ڕاپەڕین لێکۆڵینەوەکانی دەستپێکرد و دوای گەڕان و پشکنین توانرا تۆمەتبارەکە بدۆزرێتەوە و دەستگیربکرێت. "

 

ئەوەشی خستووەتەڕوو، "لە ئێستادا تۆمەتبار (پ. ع. ا) بە بڕیاری بەڕێز دادوەر ڕاگیراوەو لێکۆڵینەوە لەگەڵیدا بەردەوامە، لەکاتی دەستگیرکردنیشیدا دەستگیراوە بەسەر چەکێکی جۆری کڵانشیکۆف و ئۆتۆمبێلەکەیدا."