گه‌ڕان

Shadow Shadow
سیاسه‌تی

زانیاری زیاتر

وردەکاریی نوێی کوشتنی محەمەد باقر حەکیم لەساڵی 2003

2021.02.13 - 22:42
App store icon Play store icon Play store icon
وردەکاریی نوێی کوشتنی محەمەد باقر حەکیم لەساڵی 2003

ناس کورد-

کوڕێکی محەمەد باقر حەکیم، دامەزرێنەری ئەنجومەنی باڵای ئیسلامی کە لەساڵی 2003 لە نەجەف تیرۆرکرا، وردەکاری نوێ لەبارەی کوشتنی باوکیەوە ئاشکرا کرد و ڕایگەیاند، هەموو وردەکارییەکان و ئەو ناوانەی کە لە تیرۆکردنی باوکیدا تێوەگلاون لای بنەماڵەکەی پارێزراوە.

کەناڵی ناس کورد لە تێلیگرام جۆین بکە   

 

لەمیانەی بەشداریکردنی لەدیمانەیەکی تەلەفزیۆنیدا، حەیدەرئەلحەکیم، کوڕی محەمەد باقر ئەلحەکیم، دامەزرێنەری ئەنجومەنی باڵای ئیسلامی کە لەساڵی 2003 تیرۆرکرا، (شەممە 13ی شوباتی 2021) کە " ناس کورد" بینوویەتی، ڕایگەیاند،" قاعیدە لەپشت ڕووداوەکەوەیە، خودی زەرقاوی تیرۆرکردنی باوکمی ئەنجام داوە، ئەوە شەوە زەرقاوی لە نەجەف بوو".

 

ئاماژەی بەوەشکردووە، "بەعسییەکان پاڵپشتیی زەرقاویان کردووە لەڕووی  لۆجستییەوە لە ڕووی دابینکردنی ئۆتۆمبێل و تەقەمەنییەکان".

 

وتیشی، "هەموو ناو و وردەکارییەکان لای بنەماڵەی ئەلحەکیم پارێزراوە، یەکێک لەو ئەندامانەی قاعیدە کە ڕۆڵی باڵای هەبووە لە کردەوە تیرۆرستییەکە، لە فەلوجە لە ئاکامی بۆردومانەکانی فرۆکەکانی ئەمەریکا کوژراوە". 

 

کوڕەکەی حەکیم ئەوەشی ئاشکراکردووە، "ئەو خۆکوژەی کە ئۆتۆمبێلەکەی تەقاندووەتەوە باوکی یەکێک لە ژنەکانی زەرقاوی بووە".

 

محەمەد باقر موحسین ئەلحەکیم تەباتەبائی، یەکێکە بوو لەسەرکردە دیارەکانی شیعە لە عێراق، ڕۆڵی باڵای هەبووە لە دامەزراندنی  ئەنجومەنی باڵای شۆڕشی ئیسلامی لە عێراق، کە یەکێکە لەهێزە ئۆپۆزسیۆنەکانی عێراق لە دژی ڕژێمی پێشووی عێراق، لە ساڵی 1939 لە پارێزگای  نەجەف لەدایکبووە و لە 29ی ئابی 2003 دوای ئەنجامدانی نوێژی هەینی لە مەزارگەی ئیمام عەلی و لەکاتی هاتنە دەرەوەی لەلایەن ڕێکخراوی قاعیدە لەگەڵ 83 کەسی دیکە کوژرا.