گه‌ڕان

Shadow Shadow
سیاسه‌تی

زانیاری زیاتر

زانايان هۆشدارى دەدەن: ڤاکسینەکان شکستدەهێنن لە کۆتایى هێنان بە کۆرۆنا

2021.02.13 - 17:54
App store icon Play store icon Play store icon
زانايان هۆشدارى دەدەن: ڤاکسینەکان شکستدەهێنن لە کۆتایى هێنان بە کۆرۆنا

ناس کورد-

زانایانى بوارى نەخۆشیەکان هۆشدارى دەدەن لەوەى کە ڤاکسینەکانى دژە ڤایرۆسى کۆرۆنا شکستدەهێنن لە کۆتایى هێنان بە پەتاکە، ئەگەر سەرجەم وڵاتانى جیهان بەشێوەیەکى دادپەروەرانە ڤاکسین وەرنەگرن.

کەناڵی ناس کورد لە تێلیگرام جۆین بکە   

 

زانایانى نەخۆشیەکان (شەممە 13ى شوباتى 2021) لە نامەیەکى کراوەدا کە لە گۆڤارى "لانسێت"ى پزیشکى بڵاویانکردوەتەوە، باسیان لەوەکردوە، پاشەکەوتکردنى ڤاکسینەکان لەلایەن دەوڵەتە دەوڵەمەندەکانەوە هیچ سودێکى نییە جگە لە درێژکردنەوەى حاڵەتى فریاگوزارى تەندروستى جیهانى.

 

ڕونیشیان کردوەتەوە، "نەتەوەیى ڤاکسینەکان" دەبێتە هۆى شکستهێنانى دەستپێشخەرى کۆڤاکس، کە ئامانجى گەیاندنى ڤاکسینەکانە بەو دەوڵەتانەى داهاتیان کەمە یاخود مامناوەندە و کێشەیەکى گەورەیان لە دابینکردنى ڤاکسیندا هەیە.

 

ئۆلیڤییە ووتەرز لە کۆلێژى لەندەن بۆ ئابورى و زانستى سیاسى کە ئامادەکەرى ڕاپۆرتەکەیە وتویەتى، ڕاستیە ئاشکراکە ئەوەیە کە ئێستا جیهان پێویستى بە ڤاکسینى زۆرترى کۆرۆنایە لە هەر ڤاکسینێکى تر، ئەوەش لەپێناو کوتانى ژمارەیەکى پێویست مرۆڤ بۆ دروستبونى بەرگرى جیهانى دژى ڤایرۆسەکە.