گه‌ڕان

Shadow Shadow
سیاسه‌تی

زانیاری زیاتر

یەکێتی ژنانی کوردستان لەسەر فێستیڤاڵێكی ’’باڵاپۆشی’’ هاتەدەنگ

2021.02.13 - 16:58
App store icon Play store icon Play store icon
یەکێتی ژنانی کوردستان لەسەر فێستیڤاڵێكی ’’باڵاپۆشی’’ هاتەدەنگ

ناس کورد-

یەکێتی ژنانی کوردستان لەسەر فێستیڤاڵی تاجی زێڕین کە 1357 کچ بڕیاری باڵاپۆشیان دابوو هاتەدەنگ و ڕایگەیاند، بەناوی ئاینی پیرۆزی ئیسلامەوە ئەو کچانە دەخەنە ناو ئەجێندای هەندێ‌ پارت و گروپی سەر بەوڵاتانی دەرەوەی ناوچەكە و بەكارهێنانیان بۆ مەبەستی تایبەتی خویان و بێبەش کردنیان لەسادەترین ماف.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا یەکێتی ژنانی کوردستان (شەممە 13ی 2021) ڕایگەیاند، "لەگەڵ ئەوەی ئێمە لایەنگرێكی سەرسەختی ئازادی تاك و ئازادی ڕا دەربڕینین، بەتایبەتی ئازادی پۆشینی جلوبەرگ كە لەمافە سەرەتاییەكانی مرۆڤە هەروەك مافی ژیان و مافە سەرەتاییەكانی دیکە کە بۆ کەس نییە دەست  تێوەردانی تیدا بكات و زەوتی بكات لەهیچ تاکیکی تر."

 

ئاماژەی بەوەشکردووە، "بەڵام بەداخەوە ئەمڕۆ لەم هەرێمەدا دیاردەیەكی بێزراوی  دور لەگشت بەهایەكی مرۆڤایەتی وئاکاری هاتووەتە كایەوە، بەزەوتكردنی جەستەی ژنان، لەلایەك ژنان دەكەنە بوكەڵەی دروستكراو ومۆدیل و نمایش پێكردنیان وەك كاڵایەكی بازرگانی لەتۆرە كۆمەڵایەتییەكان و هەندی كەناڵی ڕاگەیاندنی نا بەرپڕس دەیانكەنە ڕیكلامی بازرگانی و یاریكردن بەجەستەیان."

 

ئەوەشی خستووەتەڕوو، " لەلایەكی ترەوە بەناوی ئاینی پیرۆزی ئیسلامەوە دەیانخەنە ناو ئەجێندای هەندێ‌ پارت و گروپی سەر بەوڵاتانی دەرەوەی ناوچەكە و بەكارهێنانیان بۆ مەبەستی تایبەتی خویان و د بێبەش کردنیان لەسادەترین ماف و وەك سوپایەك نمایشیان پێدەكەن بۆ پیشاندانی هێزو دەستكەوتی سیاسی خۆیان لەژێر ناوی  پیرۆزی ئیسلامدا"

 

یەکێتی ژنانی کوردستان ئاماژەی بەوەشکردووە، "ئێمە وەك یەكێتی ژنانی كوردستان بەتوندی هەردوو دیاردەكە رەت دەكەینەوە‌و داوا لەژنان دەكەین كە بەیەك هەڵوێست بێنە دەنگ و ببنە فشاری ڕاستەقینە لەسەر دەسەڵات و سەرجەم سەركردایەتی سیاسی هەرێمی كوردستان كە چیتر مافی ژن نەكەنە قوربانی هیچ پرسێكی سیاسی."

 

دوێنێ هەینی 12ی شوباتی 2021، لە  فێستیڤاڵێک بەناوی "حەوتەمین فێستیڤاڵی تاجی زێڕین" بۆ 1357 کچ ڕێکخرا کە بڕیاری باڵاپۆشیان دابوو.