گه‌ڕان

Shadow Shadow
سیاسه‌تی

دیبلۆماتێكی ئێرانی لە توركیا بە تۆمەتی تیرۆری چالاكێك دەستگیر كرا

2021.02.12 - 14:52
App store icon Play store icon Play store icon
دیبلۆماتێكی ئێرانی لە توركیا بە تۆمەتی تیرۆری چالاكێك دەستگیر كرا

ناس کورد-

میدیاکانی تورکیا بڵاویانکردەوە، دەزگا ئەمنییەکانی ئەو وڵاتە کارمەندێکی کونسوڵخانەی ئێرانیان لە ئەستەنبوڵ دەستگیرکردووە، ئەوەش بەتۆمەتی تێوەگلان لە کوشتنی چالاکوانێکی ئۆپۆزسیۆنی ئێران.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

بەگوێرەی هەواڵیکی ڕۆژنامەی "دەیلی سەباح"ی تورکی (هەینی 12ی شوباتی 2021) کە " ناس کورد" بەدواداچوونی بۆ کردووە، ئاماژە بەوەکراوە،"محەمەد ڕەزا ناسرزادی تەمەن 43 ساڵ، کارمەندی کۆنسوڵخانەی ئێران لە ئەستەنبوڵ بە تۆمەتی تێوەگلان لە کوشتنی مەسعود مەولەوی ردنجانی، بەڕێوەبەری کەناڵی تەلەفزیۆنی جوعبە سیاه دەستگیرکراوە".

 

ڕۆژنامەکە باسیلەوەشکردووە، " ناسرزادە، هاوکاریی عەلی ئەسفەنجانی کردووە، کە تۆمەتباری سەرەکییە لە کوشتنی مەولەوی، ئەوەش بەساختەکردنی بەڵگەنامەی گەشتکردن بۆ ئەوەی بتوانێت بە شێوەیەکی قاچاخ بگەڕێتەوە ئێران".

 

مەولەوی لە 14ی تشرینی دووەمی 2019 لە شەقامێکی ناوچەی شیشلی ئەستەنبوڵ بە فیشەک کوژرا، ناوبراو پێش ئەوەی ببێتە بەرهەڵستکارێکی حکومەتی تاران، لەگەڵ دەزگا سیخۆڕەکانی ئەو وڵاتە کاری کردووە پێش ئەوەی ڕوو لە تورکیا بکات و لەتۆڕە کۆمەڵایەتییەکاندا لە دژی ئێران هەڵمەت بکات.

 

ئەوە لە کاتێکدایە کە پێشتر دەزگای هەواڵگریی تورکیا ئەوەی بڵاوکردەوە، 13 ئەندامی تۆڕێکی قاچاخچێتیان دەستگیرکردووە کە ڕۆڵی بەرچاویان هەبووە لە ڕفاندنی ڕێبەری پێشووی بزووتنەوەی تێکۆشان حەبیب ئەسیود، ئاماژە بەوەشکراوە، پێدەچێت ئەو تۆڕە دەستی هەبێت کوشتنی مەولەوی.

 

دەستگیرکردنی کارمەندەکەی کونسوڵخانەی ئێران لە کاتێکدایە کە پێش هەفتەیەک لەو ڕووداوە ئەسەدوڵا ئەسەدی، سکرتێری سێهەمی  باڵیۆزخانەی ئێران لە ڤییەنا لەلایەن دادگای بەلجیکاوە بە تێوەگلانی لە هەوڵدان بۆ تەقاندنەوەی کۆبوونەوەیەکی ڕێکخراوی موجاهدین خەڵقی دژ بە حکومەتی ئێران لە ساڵی 2018 لە فەرەنسا تاوانبار کرا.